ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤ လၢတၢ်သးဆူၣ်အပူၤ လၢတၢ်မၤဂ့ၤတၢ်အဂီၢ်တက့ၢ်

ဧ့ၤဘြံၤ ၁၀:၂၄ ဟ့ၣ်ဂံၢ်ဟ့ၣ်ဘါပှၤလၢ “မ်ပကွၢ်လိာ်ပသးတဂၤဒီးတဂၤ ဒ်သိးပကသဆၣ်ထီၣ်လိာ်ပခံ ဆူတၢ်အဲၣ်တၢ်ကွံဒီး တၢ်မၤဂ့ၤတၢ်န့ၣ်တက့ၢ်.” ပဟ့ၣ်ဂံၢ်ဟ့ၣ်ဘါ ပဒီပုၢ်ဝဲၢ်တဖၣ်ခီဖျိ ပပာ်ဖျါထီၣ်ပတၢ်နာ်ဒီး ပတၢ်ဒိဂ့ၤတဲာ်ဘၣ်န့ၣ်လီၤ. နတၢ်လဲၤခီဖျိလၢအဂ့ၤန့ၣ် တဲဖျါထီၣ်အီၤ လၢတၢ်အိၣ်ဖှိၣ်အပူၤတက့ၢ်. နဒိးန့ၢ်ဘၣ် တၢ်သူၣ်ခုသးခုလၢ ကစၢ်ယွၤအတၢ်မၤအပူၤန့ၣ် ပာ်ဖျါထီၣ်တက့ၢ်. ဘၣ်ဆၣ်ဒီး တဘၣ်ထိၣ်သတြီၤ ဒီပုၢ်ဝဲၢ်အဂၤတဖၣ်ဒီးပနီၢ်ကစၢ် မ့တမ့ၢ်ပှၤဂၤတဂ့ၤ. (ကလၤ. ၆:၄) ပကဘၣ်ဂုာ်ကျဲးစၢးသူ ပတၢ်သ့တၢ်ဘၣ်ဒ်သိး ပကထိၣ်ဂဲၤထီၣ်ပှၤဂၤလၢကအိၣ်ဒီး “တၢ်အဲၣ်တၢ်ကွံ ဒီးတၢ်မၤဂ့ၤတၢ်” အဂီၢ်, ဒီးတဘၣ်မ့ၢ်လၢ ပှၤကတူၢ်ဘၣ်လၢ ပှၤအိၣ်ဒီးတၢ်ကမၣ်အဂီၢ်ဘၣ်. (ကွၢ် ဓမ္မအမှုကျောင်းစာအုပ် စ. ၁၅၈၊ ပိုဒ်. ၄ တက့ၢ်.) ပမ့ၢ်ဟ့ၣ်ဂံၢ်ဟ့ၣ်ဘါပှၤဂၤဒ်သိး အဝဲသ့ၣ်အတၢ်အဲၣ်တၢ်ကွံ ကအါထီၣ်အဂီၢ်န့ၣ် အဝဲသ့ၣ်ကဂုာ်ကျဲးစၢးအါထီၣ်လၢ တၢ်စံၣ်တဲၤတဲလီၤတၢ်မၤအဂီၢ် ဒီးကဟ့ၣ်မၤစၢၤပှၤဂၤ လၢနီၢ်ခိတၢ်လိၣ်ဘၣ်တကပၤစ့ၢ်ကီးလီၤ.—၂ ကရံၣ်. ၁:၂၄.