တၢ်မၤဂ့ၤထီၣ် ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ—တၢ်မၤဒိၣ်ထီၣ်ထီထီၣ် မဲးကစံအကျိၤအကျဲ (မဂ္ဂဇင်းလမ်းကြောင်း)

ဘၣ်မနုၤအဃိ အရ့ဒိၣ်လဲၣ်- ပှၤအါဂၤန့ၣ် သးခုလၢဖးဘၣ်ဝဲပမဲးကစံ ဘၣ်ဆၣ်အဝဲသ့ၣ် အသးတအိၣ်လၢ ကမၤလိလံာ်စီဆှံဒီးပှၤဘၣ်. ဘၣ်သ့ၣ်သ့ၣ် မ့ၢ်လၢအဝဲသ့ၣ်သူၣ်မံသးမံဝဲလၢ အတၢ်ဘူၣ်တၢ်ဘါအပူၤ မ့တမ့ၢ် တၢ်ဆၢကတီၢ်လၢ ကမၤလိလံာ်စီဆှံအဂီၢ်တအိၣ်ဘၣ်အဃိလီၤ. ဒ်လဲၣ်ဂ့ၤဒ်လဲၣ်ဂ့ၤ ပှၤလၢအဖးပမဲးကစံ ဘၣ်ဆၢဘၣ်ကတီၢ်န့ၣ် ဘၣ်သ့ၣ်သ့ၣ်ကဆၢဒိးန့ၢ်အါထီၣ်ဝဲ ယွၤအကလုၢ်ကထါလီၤ. (၁ ပ့း. ၂:၂, ၃) တၢ်ဂ့ၢ်တၢ်ကျိၤလၢ အဝဲသ့ၣ်ဖးဘၣ်ဝဲတခါခါန့ၣ် ထုးန့ၢ်အသးသ့ မ့တမ့ၢ် အတၢ်အိၣ်မူအတၢ်အိၣ်သးဆီတလဲဝဲသ့လီၤ. လၢတၢ်န့ၣ်အဃိ ပမ့ၢ်လဲၤဟးအိၣ်သကိးအဝဲသ့ၣ် ဘၣ်ဆၢဘၣ်ကတီၢ် လၢတၢ်ဆၢကတီၢ်ဖုၣ်ကိာ်ဖိအပူၤန့ၣ် အတၢ်ရ့လိာ်သးဒီးပှၤကဂ့ၤထီၣ်တကးဘၣ် ပကသ့ၣ်ညါဘၣ် အဝဲသ့ၣ်အတၢ်သးစဲဒီး အတၢ်ဘၣ်ယိၣ်ဘၣ်ဘီတဖၣ်န့ၣ်လီၤ. လၢခံန့ၣ်ဘၣ်သ့ၣ်သ့ၣ် ပစးထီၣ်တၢ်မၤလိလံာ်စီဆှံဒီး အဝဲသ့ၣ်ကန့ၢ်စ့ၢ်ကီးလီၤ.

ပမၤကသ့ဒ်လဲၣ်-

တလါတဘျီန့ၣ် ပာ်လီၤတၢ်ဆၢကတီၢ်လၢ နကလဲၤဟ့ၣ်အီၤ (ကင်းမျှော်စင် နဲ့ နိုးလော့!) မဲးကစံတဖၣ်လၢ ပှၤထုးထီၣ်အီၤအသီန့ၣ်တက့ၢ်. ဘၣ်သ့ၣ်သ့ၣ်နလဲၤဟးအိၣ်သကိးအီၤလၢ တၢ်ဆၢကတီၢ်လၢအဂၤ ဒ်သိးနကမၤဆူၣ်ထီၣ်အသးလၢ ကအဲၣ်ဒိးဖးဝဲတၢ်ဂ့ၢ်တခါလၢ မဲးကစံလၢနဟ့ၣ်တ့ၢ်အီၤအပူၤ မ့တမ့ၢ် ဟ့ၣ်အီၤလံာ်လဲၢ်အဂၤလၢ တၢ်ကနီၤလီၤအီၤလၢ လါအဝဲန့ၣ်အတီၢ်ပူၤသ့ဝဲလီၤ. နလဲၤဟးအိၣ်သကိးအီၤအမုၢ်နံၤ, လံာ်လဲၢ်လၢနဟ့ၣ်တ့ၢ်အီၤဒီး တၢ်ဂ့ၢ်လၢနတဲသကိးဒီးအီၤန့ၣ် ကွဲးနီၣ်ဃာ်အီၤဂ့ၤဂ့ၤတက့ၢ်.—ကွၢ် ၂၀၁၄၊ ဇန်နဝါရီလထုတ် ကျွန်ုပ်တို့၏ နိုင်ငံတော်ဓမ္မအမှု စာမျက်နှာ ၃ တက့ၢ်.
အိၣ်ကတဲာ်ကတီၤ နသးလၢတၢ်က့ၤကဒါက့ၤ တဘျီလၢ်လၢ်အဂီၢ်တက့ၢ်. ထဲလၢနဟ့ၣ်အီၤ မဲးကစံတဖၣ်န့ၣ် တလၢပှဲၤဒံးဘၣ် ဂုာ်ကျဲးစၢးကတိၤတၢ်ဒီးဟံၣ်ကစၢ်တက့ၢ်. ဂုာ်ကျဲးစၢးရ့ဒီးအဝဲသ့ၣ်လၢ နကထုးန့ၢ်အဝဲသ့ၣ်အသးတက့ၢ်.
ဃုကျဲလၢနကစးထီၣ် မၤလိလံာ်စီဆှံဒီးပှၤဂၤတက့ၢ်. ဟံၣ်ကစၢ်လၢနလဲၤဟ့ၣ်အီၤ မဲးကစံထီဘိတဂၤဂၤ မ့ၢ်သံကွၢ်ဝဲတၢ်ဂ့ၢ်တခါခါလၢ အဘၣ်ဃးဒီးလံာ်စီဆှံစံးတၢ်န့ၣ် လဲၤဆှၢန့ၢ်အီၤ တၢ်မၤလိအလံာ်တဘ့ၣ်လၢ အပာ်ဖျါထီၣ်ဝဲတၢ်စံးဆၢ ဒီးကတိၤသကိးတၢ်ဂ့ၢ်အံၤဒ်သိးသိးတက့ၢ်. တချုးလၢနက့ၤအခါန့ၣ် ပာ်တ့ၢ်ဃာ်တၢ်သံကွၢ်လၢ နကကတိၤသကိးဒီးအီၤလၢ နဟဲက့ၤကဒါက့ၤလၢခံတဘျီအဂီၢ်န့ၣ်တက့ၢ်. နမ့ၢ်လဲၤဟးဘၣ်ဆၢဘၣ်ကတီၢ်ဒီး မ့ၢ်တဲသကိးလံာ်စီဆှံအဂ့ၢ် လီၤတံၢ်လီၤဆဲးမ့တမ့ၢ် နမ့ၢ်မၤလိလံာ်တဘ့ၣ်ဘ့ၣ်လၢ တၢ်ဆၢကတီၢ်ဖုၣ်ကိာ်ဒၣ်လဲာ် မ့ၢ်စ့ၢ်ကီးနမၤတၢ်မၤလိလံာ်စီဆှံန့ၣ်လီၤ. မ့ၢ်နဟ့ၣ်ဟံၣ်ကစၢ်လၢ ဘရိၣ်ခၠၣ်လၢအမ့ၢ် တၢ်သးခုကစီၣ်လၢယွၤအိၣ် ဒီးလၢတၢ်ဆၢကတီၢ်ဖုၣ်ကိာ်ဖိန့ၣ် မ့ၢ်နမၤပၠးအီၤလၢ တၢ်မၤလိလံာ်စီဆှံန့ၣ် တဘျီဘျီဧါ. ဒီးမ့ၢ်နဒုးနဲၣ်အီၤတၢ်ဂီၤမူလၢ ဘၣ်မနုၤအဃိဘၣ်မၤလိ လံာ်စီဆှံလဲၣ် ဒီးတၢ်မၤလိလံာ်စီဆှံန့ၣ် ပှၤမၤအီၤဒ်လဲၣ် န့ၣ်တဘျီဘျီဧါ. လၢညါန့ၣ်အဝဲသ့ၣ် မ့ၢ်တတူၢ်လိာ်လၢ ကမၤလိဝဲလံာ်စီဆှံဒၣ်လဲာ် ခီဖျိလၢအတၢ်အိၣ်အသး ဆီတလဲသ့ဝဲအဃိ ခဲအံၤကြၢးလၢ နကျဲးစၢးအသီတဘျီလၢ နကမၤလိလံာ်စီဆှံဒီးအီၤဧါ.

မၤကွၢ်တၢ်အံၤ လၢတလါညါအံၤအတီၢ်ပူၤတက့ၢ်-

ကွဲးနီၣ်ဃာ်ပှၤမံၤလၢ နကလဲၤဆှၢန့ၢ်အီၤ မဲးကစံအဂီၢ်တက့ၢ်. ဟ့ၣ်တ့ၢ်အဝဲသ့ၣ် မဲးကစံလၢပှၤထုးထီၣ်အီၤအသီဒီး တဲတ့ၢ်အဝဲသ့ၣ်လၢ လၢခံတဘျီနအဲၣ်ဒိးဟဲဆှၢန့ၢ်အီၤ မဲးကစံလၢပှၤကထုးထီၣ်အီၤအသီန့ၣ်တက့ၢ်.