တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ယိၤဘး ၆–၁၀
စီၤယိၤဘးလၢ အိၣ်ဒီးတၢ်သးတီန့ၣ် ကအုကစွါဝဲလၢ တၢ်နးတၢ်ဖှီၣ်အဃိ
စီၤယိၤဘး ဘၣ်ဖှီၣ်ဘၣ်ယာ်, တူၢ်ဘၣ်တၢ်သူၣ်အုးသးအုး ဒီးတၢ်ဆူးတၢ်ဆါ နးနးကလဲာ်သနာ်က့ ဆဲးပၢၤဃာ်ဝဲအတၢ်သးတီလီၤ. လၢတၢ်န့ၣ်အဃိ ဒ်သိးစီၤယိၤဘးသုတတီဒီးယွၤတဂ့ၤအဂီၢ် မုၣ်ကီၤလံၢ်ဂုာ်ကျဲးစၢး မၤဟးဂီၤအသးန့ၣ်လီၤ. အဆိကတၢၢ် စီၤယိၤဘး “အတံၤသကိး” သၢဂၤဟဲဆူအအိၣ် ဒီးပာ်မၤအသးလၢ အဒိသူၣ်ဒိသးလၢ စီၤယိၤဘးအဖီခိၣ်လီၤ. ဘၣ်ဆၣ် ဖဲအဝဲသ့ၣ်အိၣ်ဒီးစီၤယိၤဘး နွံသီအတီၢ်ပူၤ ဆ့ၣ်နီၤဝဲဒီးတကတိၤတၢ်ဒီး စီၤယိၤဘးနီတစဲးဘၣ်. တကးဒံးဘၣ် လၢခံန့ၣ် အဝဲသ့ၣ် ပာ်ဒ့ၣ်ပာ်ကမၣ်လၢ စီၤယိၤဘးအလိၤဒီး တဲဆါအီၤလီၤ.
စီၤယိၤဘးကွၢ်ဆၢၣ်မဲာ်ဘၣ်ဝဲ တၢ်မၤကွၢ်နးနးကလဲာ်သနာ်က့ ဆဲးတီဒီးယဟိဝၤယွၤ
ဖဲစီၤယိၤဘးတူၢ်ဘၣ် တၢ်သူၣ်အုးသးအုးဖးဒိၣ်အခါ တၢ်ဆိကမိၣ်လၢ အကမၣ်ဟဲအိၣ်ထီၣ်ဝဲလီၤ. ဒီးအဝဲဆိကမိၣ်ကမၣ်ဝဲလၢ အဝဲမ့ၢ်ပၢၤဃာ်အတၢ်သးတီသနာ်က့ အရ့တဒိၣ်လၢ ကစၢ်ယွၤအဂီၢ်ဘၣ်
စီၤယိၤဘး အသးဟးဂီၤအဃိ ဘၣ်မနုၤအဝဲဘၣ်နးဘၣ်ဖှီၣ်လဲၣ်န့ၣ် တဆိကမိၣ်ဝဲလီၤတံၢ်လီၤဆဲးဘၣ်
စီၤယိၤဘး တူၢ်ဘၣ်တၢ်သူၣ်အုးသးအုးနးနးကလဲာ် သနာ်က့ အဝဲတဲပၠးပှၤလၢ အတဲကမၣ်အီၤတဖၣ်လၢ ဘၣ်ဃးဒီး အတၢ်အဲၣ်ယဟိဝၤယွၤန့ၣ်လီၤ