“လဲၤတၢ်လၢယွၤ အတၢ်သိၣ်တၢ်သီအပူၤ”

ပလဲၤတၢ်လၢယွၤ အတၢ်သိၣ်တၢ်သီအပူၤန့ၣ် အဲၣ်ဒိးစံးဝဲပဒိကနၣ် ကစၢ်ယွၤအတၢ်ဟံးစုနဲၣ်ကျဲလၢ တၢ်ဆီၣ်လီၤသးဒီး တၢ်သူၣ်အိၣ်သးအိၣ်အပူၤလီၤ. လၢလံာ်စီဆှံအပူၤ ပှၤလၢအဒိဂ့ၤတဲာ်ဘၣ် ဒ်သိးဒီးပှၤကွဲးထါစံးထီၣ်ပတြၢၤလၢ အမၤထွဲယဟိဝၤယွၤ အတၢ်သိၣ်တၢ်သီဒီး သန့ၤအသးလၢယွၤန့ၣ် အိၣ်ဝဲအါမးလီၤ.

ဒ်သိးပကအိၣ်ဒီး တၢ်သူၣ်ခုသးခုနီၢ်ကီၢ်အဂီၢ် ပကဘၣ်လဲၤတၢ်လၢ ယွၤအတၢ်သိၣ်တၢ်သီအပူၤ

၁၁၉:၁–၈

စီၤယိၤၡူပာ်ဖျါထီၣ်ဝဲလၢ အဝဲသန့ၤအသးလၢလၢပှဲၤပှဲၤ လၢယဟိဝၤယွၤ အတၢ်နဲၣ်လိအဖီခိၣ်လီၤ. အဝဲသ့ၣ်ညါဝဲလၢ ဒ်သိးကအိၣ်ဒီးတၢ်သူၣ်ခုသးခုဒီး အတၢ်မၤကကဲထီၣ်လိၣ်ထီၣ်အဂီၢ် ကဘၣ်နာ်ဝဲယဟိဝၤယွၤလၢ အသးဒီဖျၢၣ်

ကစၢ်ယွၤအကလုၢ်ကထါ ဟ့ၣ်ပှၤတၢ်သူၣ်ဒူသးဒူ ဒ်သိးပလဲၤခီဖျိ တၢ်ကီတၢ်ခဲကန့ၢ်အဂီၢ်

၁၁၉:၃၃–၄၀

ဖဲဝံယံးရမံယါ ကွၢ်ဆၢၣ်မဲာ်ဘၣ် တၢ်အိၣ်အသးလၢ အကီအခဲအခါ ပာ်ဖျါထီၣ်ဝဲတၢ်သူၣ်ဒူသးဒူဒီး သန့ၤအသးလၢယဟိဝၤယွၤလီၤ. အဝဲအိၣ်မူယိယိဖိဒီး ဂုာ်ကျဲးစၢးမၤလၢပှဲၤအမူဒါလီၤ

ပမ့ၢ်သ့ၣ်ညါနၢ်ပၢၢ် ကစၢ်ယွၤအကလုၢ်ကထါ ဂ့ၤဂ့ၤန့ၣ်ပကအိၣ်ဒီး တၢ်သးဒူ ဖဲပစံၣ်တဲၤတဲလီၤတၢ်အခါ

၁၁၉:၄၁–၄၈

စီၤပီလူး စံၣ်တဲၤတဲလီၤတၢ်သးခုကစီၣ်ဒူဒူ ဆူပှၤခဲလၢာ်အအိၣ်လီၤ. ဖဲအဝဲစံၣ်တဲၤတဲလီၤဝဲ ပဒိၣ်ဖးဒိၣ်စီၤဖ့လံးအခါ နာ်ဝဲလၢလၢပှဲၤပှဲၤလၢ ယဟိဝၤယွၤကမၤစၢၤအီၤလီၤ

ဖဲယစံၣ်တဲၤတဲလီၤတၢ်အခါ ယကဘၣ်ပာ်ဖျါထီၣ် ယတၢ်သူၣ်ဒူသးဒူလၢ

• ကၠိ

• တၢ်မၤလီၢ်

• ဟံၣ်ဖိဃီဖိ

• အဂၤ