ခီဖျိလၢ မူခိၣ်အသီဒီး ဟီၣ်ခိၣ်အသီအဃိ ပကဒိးန့ၢ်ဘၣ် တၢ်သူၣ်ခုသးခုဖးဒိၣ်

ဝံယၡါယၤ အဆၢဒိၣ်​ ၆၅ ပာ်ဖျါထီၣ်ဝဲ ဘၣ်ဃးဒီး ကစၢ်ယွၤ အတၢ်စံးပာ်လၢ ကမၤဂ့ၤထီၣ်က့ၤ တၢ်အိၣ်သးတဖၣ်လီၤ. ယဟိဝၤယွၤတဲဝဲဒ် အတၢ်စံးပာ်အံၤ ဟဲလၢထီၣ်ပှဲၤထီၣ်တ့ၢ်လံ အသိးန့ၣ်လီၤ

ယဟိဝၤယွၤ တ့လီၤ မူခိၣ်အသီဒီး ဟီၣ်ခိၣ်အသီအဃိ တၢ်အိၣ်လၢ အခီၣ်ထံးတဖၣ်န့ၣ်​ တၢ်တသ့ၣ်နီၣ်ထီၣ်က့ၤအီၤလၢၤဘၣ်

၆၅:၁၇

တၢ်လၢမူခိၣ်အသီန့ၣ်​ မ့ၢ်မနုၤလဲၣ်

• မ့ၢ်ဝဲ တၢ်ပၢတၢ်ပြးအသီတခါလၢ အကဒုးအိၣ်ထီၣ်ဝဲ တၢ်တီတၢ်လိၤလၢ ဟီၣ်ခိၣ်ချၢ

• ဖဲ ၁၉၁၄ နံၣ်န့ၣ်​ ယွၤအဘီအမုၢ် သူၣ်ထီၣ်အသး ဒီးယ့ၣ်ၡူးကဲထီၣ်ဝဲ ယွၤအဘီအမုၢ် အစီၤပၤလီၤ

တၢ်လၢဟီၣ်ခိၣ်အသီန့ၣ်​ မ့ၢ်မနုၤလဲၣ်

• ပှၤကိးကလုာ်ဒဲး ဒီးပှၤကတိၤကျိာ် အကလုာ်ကလုာ်တဖၣ်လၢ ဘၣ်တၢ်ကရၢကရိထီၣ်အီၤလၢ ကဒိးပၢအသးလၢ မူခိၣ်အတၢ်ပၢတၢ်ပြးလၢ အသးဒီဖျၢၣ်

တၢ်တသ့ၣ်နီၣ်ထီၣ်က့ၤအီၤဘၣ်န့ၣ်​ အဲၣ်ဒိးစံးဝဲ တၢ်မနုၤလဲၣ်

• တၢ်လီၤသူၣ်အုးသးအုးလၢ ပတူၢ်ဘၣ်အီၤလၢ နီၢ်ခိဒီး နီၢ်သးန့ၣ်​ တအိၣ်လၢၤဘၣ်

• ပှၤတီပှၤလိၤတဖၣ်​ အတၢ်အိၣ်မူ ကပှဲၤဒီး တၢ်သူၣ်ခုသးခုဒီး ကပာ်လုၢ်ပာ်ပှ့ၤဝဲ တၢ်လၢအလဲၤခီဖျိဘၣ်ဝဲ တနံၤဘၣ်တနံၤန့ၣ်လီၤ