“ယူးယီၣ်နမိၢ်နပၢ်တက့ၢ်”

ဖဲယ့ၣ်ၡူးအိၣ်လၢ ဟီၣ်ခိၣ်အခါ အဝဲတဲဝဲတၢ်ကတိၤလၢ “ယူးယီၣ်နမိၢ်နပၢ်တက့ၢ်.” (၂ မိၤ. ၂၀:၁၂; မး. ၁၅:၄) ယ့ၣ်ၡူးတဲဝဲတၢ်ကတိၤအံၤသ့ ခီဖျိလၢ ဖဲအသးစၢ်အခါ အဝဲ “ပာ်အသး” လၢအမိၢ်အပၢ်ဖီလာ်အဃိလီၤ. (လူၤ. ၂:၅၁) တုၤလၢအဒိၣ်တုာ်ခိၣ်ပှဲၤအခါဒၣ်လဲာ် အဝဲရဲၣ်ကျဲၤဝဲလၢ ပှၤကကွၢ်ထွဲအမိၢ် ဖဲအသံဝံၤအလီၤခံလီၤ.—ယိၤ. ၁၉:၂၆, ၂၇.

မုၢ်မဆါတနံၤညါအံၤစ့ၢ်ကီး ခရံာ်ဖိလၢအသးစၢ်တဖၣ်န့ၣ်​ ပာ်ဖျါဝဲလၢအဝဲသ့ၣ်ယူးယီၣ်ပာ်ကဲအမိၢ်ပၢ် ခီဖျိဒိကနၣ်အမိၢ်ပၢ်အကလုၢ် ဒီးတဲတၢ်ဒီးအဝဲသ့ၣ်​ လၢတၢ်ပာ်ကဲအပူၤန့ၣ်လီၤ. ပကဘၣ်ယူးယီၣ်ပာ်ကဲ ပမိၢ်ပပၢ်ထီဘိလီၤ. အဝဲသ့ၣ်​ အညါမ့ၢ်ပှၢ်ထီၣ်ဒၣ်လဲာ် ပကြၢးယူးယီၣ်ပာ်ကဲအီၤ ဒီးပန့ၢ်ဘျုးလၢ အဝဲသ့ၣ်အတၢ်ဟ့ၣ်ကူၣ်သ့ဒံးလီၤ. (ကတိၤ. ၂၃:၂၂) ဒီးမိၢ်ပၢ်တဖၣ်​ အသးမ့ၢ်ပှၢ်လံန့ၣ်​ ပပာ်ဖျါထီၣ်လၢ ပယူးယီၣ်ပာ်ကဲအဝဲသ့ၣ်ခီဖျိ ပမၤစၢၤအဝဲသ့ၣ်လၢ နီၢ်ခိတခီ ဒီးဟ့ၣ်ဂံၢ်ဟ့ၣ်ဘါအဝဲသ့ၣ်န့ၣ်လီၤ. (၁ တံၤ. ၅:၈) ပသးစၢ်မ့ၢ်ဂ့ၤ, ပသးပှၢ်မ့ၢ်ဂ့ၤ ပမ့ၢ်အိၣ်ဒီး တၢ်ရ့လိာ်သးဒီးပမိၢ်ပပၢ်ဂ့ၤဂ့ၤန့ၣ်​ မ့ၢ်ဝဲကျဲတဘိလၢ ပယူးယီၣ်ပာ်ကဲအဝဲသ့ၣ်လီၤ.

ကွၢ်တၢ်ဂီၤမူလၢအမ့ၢ် ယကဘၣ်တဲတၢ်ဒီး ယမိၢ်ယပၢ်ဒ်လဲၣ်, ဒီးစံးဆၢ တၢ်သံကွၢ်လၢလာ်အံၤ–

• နကတဲတၢ်ဒီး နမိၢ်နပၢ်န့ၣ်​ ဘၣ်မနုၤအဃိ ကီလၢနဂီၢ်လဲၣ်.

• ဖဲနတဲတၢ်ဒီး နမိၢ်နပၢ်အခါ နပာ်ဖျါထီၣ်တၢ်ယူးယီၣ်ပာ်ကဲ ကသ့ဒ်လဲၣ်.

  

• နမ့ၢ်ဂုာ်ကျဲးစၢး တဲတၢ်ဒီးနမိၢ်နပၢ်န့ၣ်​ ဘၣ်မနုၤအဃိအဘျုးအိၣ်လဲၣ်. (ကတိၤ. ၁၅:၂၂)