“ဖဲဒၣ်ပှၤလၢ တၢ်မိၣ်ကဲဒိၣ်အသး တဂၤဂၤလၢသုကျါန့ၣ်, မ်အကဲလၢသုခ့သုပှၤတက့ၢ်”

၂၀:၂၈

ပှၤကွဲးလံာ်ဒီး ပှၤဖၤရံၤၡဲလၢ အပာ်ထီၣ်ထီအသးတဖၣ်န့ၣ်​ အဲၣ်ဒိးလၢ ပှၤအဂၤကပာ်ဒိၣ်အဝဲသ့ၣ်​ ဒီးဆိကမိၣ်ဒိၣ်အီၤလီၤ. (မး. ၂၃:၅-၇) ယ့ၣ်ၡူးန့ၣ်​ လီၤဆီဒီးအဝဲသ့ၣ်လီၤ. အဝဲတဲဝဲလၢ “ပှၤကညီဖိခွါအံၤ တဟဲဘၣ်ဒ်သိး ပှၤကမၤအီၤလၢ အခ့အပှၤအတၢ်မၤဘၣ်. မ့ၢ်ဒ်သိးအကမၤ တၢ်အခ့အပှၤအတၢ်မၤ” လီၤ. (မး. ၂၀:၂၈) မ့ၢ်ပသးစၢၢ်ဆၢ ထဲတၢ်မၤလၢပှၤဂၤ ကပာ်သူၣ်ပာ်သးပှၤဒီး စံးပတြၢၤပှၤန့ၣ်ဧါ. ပမ့ၢ်အဲၣ်ဒိးလၢ ယဟိဝၤယွၤ ဘၣ်သူၣ်ဘၣ်သးပှၤန့ၣ်​ ပကဂုာ်ကျဲးစၢး ဒ်သိးပကလီၤဂာ်ဒီး ယ့ၣ်ၡူး ဒီးတသ့ဖဲအသ့ ပကဘၣ်မၤစၢၤပှၤဂၤလီၤ. တၢ်မၤဒ်အံၤတဖၣ်န့ၣ်​ ပှၤမ့ၢ်တပာ်သူၣ်ပာ်သးနီတဂၤဘၣ်ဆၣ်​ ယဟိဝၤယွၤသ့ၣ်ညါဝဲလီၤ. (မး. ၆:၁-၄) တၢ်အခ့အပှၤလၢ အဆီၣ်လီၤအသးတဂၤန့ၣ်​ . . .

• မၤစၢၤတၢ်ဖဲ ပှၤမၤကဆှဲကဆှီ ဘီမုၢ်ဘျီၣ်ဒိၣ်အခါ ဒီးကွၢ်ထွဲဘှီဂ့ၤထီၣ်က့ၤဝဲ

• ဃုကျဲလၢ ကမၤစၢၤ ပှၤသးပှၢ်ဒီး ပှၤအဂၤတဖၣ်

• ဟ့ၣ်တၢ်မၤဘူၣ်လၢ ကဆီၣ်ထွဲ ဘီမုၢ်အတၢ်ဒိၣ်ထီၣ်ထီထီၣ်အဂီၢ်