တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | မၤတၢ် ၂၅–၂၆
စီၤပီလူး ပတံထီၣ်တၢ်လၢ ကဲစၢ်အအိၣ် ဒီးအုၣ်အသးလၢ စီၤပၤဟ့ၤရိာ်အကြံးပၤ အမဲာ်ညါ
ဖဲပဘၣ်တၢ်လဲၤကိးပှၤဆူ “ပဒိၣ်ပပှၢ်ဒီး စီၤလိၣ်စီၤပၤအမဲာ်ညါ” အခါ ပကဘၣ်တဲဆၢက့ၤဒ်လဲၣ်န့ၣ် တလိၣ်ပဘၣ်ယိၣ်တၢ် သနာ်က့ ပကြၢး ‘အိၣ်ကတီၤပသးထီဘိ’ ဒ်သိးပကစံးဆၢက့ၤ ပှၤလၢအဟဲသံကွၢ်ပှၤ ဘၣ်ဃးပတၢ်မုၢ်လၢ်အဂ့ၢ်တဖၣ်လီၤ. (မး. ၁၀:၁၈-၂၀; ၁ ပ့း. ၃:၁၅) ပှၤထီဒါတၢ်ဖိတဖၣ် မ့ၢ်သူဝဲ “တၢ်သိၣ်တၢ်သီ” ဒီးဂုာ်ကျဲးစၢးမၤကီမၤခဲပှၤန့ၣ် ပကွၢ်လိမၤဒိး စီၤပီလူးအဒိအတဲာ် ကသ့ဒ်လဲၣ်.—စံး. ၉၄:၂၀.
ဒ်သိးပကဒီသဒၢ တၢ်သးခုကစီၣ်အဂီၢ် ပကသူ ပတၢ်ခွဲးတၢ်ယာ်လၢအဖိးသဲစးလီၤ.—မၤတၢ်. ၂၅:၁၁
ဖဲပတဲတၢ် ဒီးပှၤလၢအန့ၢ်စိန့ၢ်ကမီၤတဖၣ်အခါ ပကဘၣ်အိၣ်ဒီး တၢ်ယူးယီၣ်ပာ်ကဲလီၤ.—မၤတၢ်. ၂၆:၂, ၃
တၢ်ခွဲးတၢ်ယာ်မ့ၢ်အိၣ်န့ၣ် ပတဲနၢ်ပၢၢ်အဝဲသ့ၣ်လၢ တၢ်သးခုကစီၣ်န့ၣ် အဘျုးအိၣ်လၢပဂီၢ် ဒီးပှၤဂၤအဂီၢ်ဒ်လဲၣ်အဂ့ၢ်န့ၣ်လီၤ.—မၤတၢ်. ၂၆:၁၁-၂၀