တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၂ ကရံၣ်သူး ၁–၃

ယဟိဝၤမ့ၢ် “တၢ်မၤမုာ်ခဲလၢာ်အကစၢ်”

ယဟိဝၤယွၤ မၤမုာ်ထီၣ်က့ၤပှၤ ခီဖျိလၢ ခရံာ်ဖိတၢ်အိၣ်ဖှိၣ်လီၤ. ကျဲတနီၤလၢ ပကမၤမုာ်ထီၣ်က့ၤ ပှၤလၢအသူၣ်အုးသးအုးတဖၣ်န့ၣ် မ့ၢ်မနုၤလဲၣ်.

ဖဲအဝဲသ့ၣ်တဲတၢ်အခါ ဒိကနၣ်န့ၢ်အီၤ ဒီးတဘၣ်နုာ်လီၤတဲတၢ်တဂ့ၤ
“ပှၤလၢအဟီၣ်တဖၣ်န့ၣ်, ဟီၣ်ဃုာ်ဒီးအီၤတက့ၢ်.”—ရိ. ၁၂:၁၅
ဆှၢန့ၢ်အီၤ ခးဖိ, အံမ့(လ်) မ့တမ့ၢ် မဲးစ့း လၢကဟ့ၣ်ဂံၢ်ဟ့ၣ်ဘါအီၤအဂီၢ်တက့ၢ်.—တၢး၁၇.၀၇ ကဘျံးပၤ ၁၃ တၢ်လွံၢ်နၢၣ်
ဃ့ဘါထုကဖၣ်ဒီးအဝဲသ့ၣ် ဒီးဃ့ထုကဖၣ်လၢ အဝဲသ့ၣ်အဂီၢ်

ပှၤအါတက့ၢ်န့ၣ် ဒိးန့ၢ်ဘၣ်တၢ်မၤမုာ်ထီၣ်က့ၤလၢ လံာ်စီဆှံအဆၢလၢ လာ်တဖၣ်အံၤ–

“ယွၤအိၣ်ဘူးဒီး ပှၤလၢအသူၣ်ကၢ်အသးလီၤ, ဒီးပှၤလၢအပီၢ်ယၢ်လီၤက့ၤအသးန့ၣ် အုၣ်က့ၤခီၣ်က့ၤဝဲလီၤ.”—စံး. ၃၄:၁၈, ၁၉
“လၢယဆိကမိၣ် တၢ်အါမံၤအကျါန့ၣ် န [ယဟိဝၤ] မၤမုာ်ထီၣ်က့ၤတၢ်တဖၣ် ဒုးသူၣ်ဖှံသးညီယသးလီၤ.”—စံး. ၉၄:၁၉
“ဒီးပကစၢ်ယ့ၣ်ၡူး အကစၢ်ဒၣ်ဝဲ, ဒီးယွၤ, ပပၢ်လၢအအဲၣ်ပှၤ, ဒီးဟ့ၣ်လီၤပှၤလၢ တၢ်မၤမုာ်ပှၤလီၤထူလီၤယိာ်, ဒီးတၢ်မုၢ်လၢ်အဂ့ၤလၢ တၢ်ဘျုးတၢ်ဖှိၣ်န့ၣ်, မ်အမၤမုာ်ထီၣ်က့ၤသုသး, ဒီးဒုးအိၣ်ဂၢၢ်ဆိးကျၢၤသုလၢ ကယဲၢ်တၢ်ကတိၤအဂ့ၤ, ဒီးတၢ်မၤအဂ့ၤအပူၤန့ၣ်တက့ၢ်.”—၂ သ့း. ၂:၁၆, ၁၇