အိၣ်မူဒ် ခရံာ်ဖိအသိး
ဖဲနံၣ်လၢမူခိၣ်တစူၤဘၣ်န့ၣ် နကမၤမနုၤလဲၣ်
တၢ်နာ် ဒီးတၢ်နာ်န့ၢ် ယဟိဝၤယွၤန့ၣ် ဘၣ်ထွဲလိာ်အသးလီၤ. အဒိ တၢ်နာ်လၢအဂၢၢ်အကျၢၤန့ၣ် ကမၤစၢၤပှၤလၢ ပကနာ်န့ၢ် ယဟိဝၤယွၤ လၢကဒီသဒၢ ဒီးကကဟုကယာ်ပှၤလီၤ. (စံး. ၂၃:၁, ၄; ၇၈:၂၂) ဒ်တၢ်အကတၢၢ်ဘူးထီၣ်ဝဲအသိး ပသ့ၣ်ညါစ့ၢ်ကီးလၢ မုၣ်ကီၤလံၢ် အတၢ်ထီဒုၣ်ထီဒါစ့ၢ်ကီး ကအါထီၣ်ဝဲလီၤ. (လီၣ်. ၁၂:၁၂) တၢ်မနုၤကမၤစၢၤပှၤလဲၣ်.
ကွၢ်တၢ်ဂီၤမူလၢ အခိၣ်တီမ့ၢ်ဝဲ ဖဲနံၣ်လၢမူခိၣ်တစူၤဘၣ်န့ၣ် နကမၤမနုၤလဲၣ် ဒီးစံးဆၢက့ၤ တၢ်သံကွၢ်လၢ လာ်တဖၣ်အံၤတက့ၢ်–
၁. ပလီၤဂာ်ဒီး “သ့ၣ်ထူၣ်” လၢ ယံးရမံယၤ ၁၇:၈ ဒ်လဲၣ်.
၂. “တၢ်ကိၢ်” တမံၤန့ၣ် မ့ၢ်မနုၤလဲၣ်.
၃. “သ့ၣ်ထူ” တူၢ်ဘၣ်တၢ်ဒ်လဲၣ် ဒီးဘၣ်မနုၤအဃိလဲၣ်.
၄. မုၣ်ကီၤလံၢ် အဲၣ်ဒိးမၤဟးဂီၤဝဲ တၢ်မနုၤလဲၣ်.
၅. ပလီၤဂာ်ဒီး ပှၤဒိးကဘီယူၤဖိလၢအိၣ်ဒီး တၢ်လဲၤခီဖျိတဖၣ် လၢကျဲဒ်လဲၣ်.
၆. ဘၣ်မနုၤအဃိ ပကဘၣ်ဆဲးနာ်န့ၢ် ကုၢ်လၢအကလုၢ်တီ ဒီးကူၣ်တၢ်သ့လဲၣ် ဒီးပတၢ်နာ် ဘၣ်တၢ်မၤကွၢ်အီၤသ့ဒ်လဲၣ်.
၇. ပှၤဟီၣ်ခိၣ်ဖိတဖၣ် မ့ၢ်ဒုၣ်ဒွဲစံးအၢပှၤသနာ်က့ ဘၣ်မနုၤအဃိ ပကဘၣ်ဆဲးနာ်န့ၢ် လံာ်စီဆှံအတၢ်ဟံးစုနဲၣ်ကျဲတဖၣ်လဲၣ်.