အိၣ်မူဒ် ခရံာ်ဖိအသိး
နတဲနၢ်ပၢၢ်ပှၤဂၤလၢ နတၢ်နာ်အဂ့ၢ်ကသ့ဧါ
ပှၤတဂၤဂၤ မ့ၢ်သံကွၢ်နၤလၢ ဘၣ်မနုၤအဃိ နနာ်တၢ်ဘၣ်တ့လဲၣ်န့ၣ် နကစံးဆၢက့ၤဒ်လဲၣ်. ဒ်သိးနစံးဆၢက့ၤလၢ တၢ်နာ်န့ၢ်လီၤသးအပူၤ ကသ့အဂီၢ် နကဘၣ်မၤတၢ်ခံမံၤလီၤ. အဆိကတၢၢ်, နကဘၣ်ဒုးနာ်န့ၢ် နနီၢ်ကစၢ် လၢတၢ်ဘၣ်တ့မ့ၢ် တၢ်မ့ၢ်တၢ်တီလီၤ. (ရိ. ၁၂:၁, ၂) ခံမံၤတမံၤ နကဘၣ်ဆိကမိၣ်ထီၣ်ဘၣ်ဃး နကတဲနၢ်ပၢၢ်ပှၤဂၤလၢ နတၢ်နာ်အဂ့ၢ်ဒ်လဲၣ်န့ၣ်လီၤ.—ကတိၤ. ၁၅:၂၈.
ကွၢ်တၢ်ဂီၤမူလၢ အခိၣ်တီမ့ၢ်ဝဲ ကသံၣ်သရၣ်လၢ အခွဲ (ကွဲး) ပှၤဃံတဂၤ တဲပၠးပှၤ အတၢ်နာ်အဂ့ၢ် ဒီး ပှၤမၤလိဆၣ်ဖိကီၢ်ဖိပီညါတဂၤ တဲပၠးပှၤ အတၢ်နာ်အဂ့ၢ် ဒီးစံးဆၢတၢ်သံကွၢ်တဖၣ်အံၤတက့ၢ်.
အံၣ်ရ့ၤ ဟိၤ လီၤရၢစိၤ န့ၣ်တနာ်ဝဲ သးသမူအတၢ်လဲလိာ်သး တဆီဘၣ်တဆီဘၣ် လၢတၢ်န့ၣ်အလီၢ် ဘၣ်မနုၤအဃိ အဝဲနာ်ဝဲတၢ်ဘၣ်တ့လဲၣ်.
ယၤရိၤစလး ဒိၤဘၤနံး န့ၣ်တနာ်ဝဲ သးသမူအတၢ်လဲလိာ်သး တဆီဘၣ်တဆီဘၣ် လၢတၢ်န့ၣ်အလီၢ် ဘၣ်မနုၤအဃိ အဝဲနာ်ဝဲတၢ်ဘၣ်တ့လဲၣ်.
ဘၣ်မနုၤအဃိ နနာ်တၢ်ဘၣ်တ့လဲၣ်န့ၣ် နကတဲနၢ်ပၢၢ်ပှၤဂၤဒ်လဲၣ်.
ဒ်သိးနကနာ်လၢ ကစၢ်ယွၤတ့လီၤတၢ်ခဲလၢာ် ဒီးနကတဲနၢ်ပၢၢ်ပှၤဂၤအဂီၢ် ယဟိဝၤယွၤ အတၢ်ကရၢကရိ ကတဲာ်ကတီၤဝဲ တၢ်ဂ့ၢ်လၢကမၤစၢၤနၤ လၢနကျိာ်န့ၣ် အိၣ်တမံၤမံၤဧါ.