“မၤဝဲဒ်န့ၣ်အသိး”

၆:၉, ၁၃-၁၆, ၂၂

လၢစီၤနိအၤအစိၤန့ၣ်​ တၢ်ပီးတၢ်လီ ဒီးတၢ်ကူၣ်ဘၣ်ကူၣ်သ့ ဘၣ်ဃးဒီး တၢ်သူၣ်ထီၣ်ဘှီထီၣ်န့ၣ်​ တအိၣ်ဒ်စိၤခဲအံၤအသိးဘၣ်အဃိ ဒ်သိးအဝဲဒီးအဟံၣ်ဖိဃီဖိတဖၣ်​ ကသူၣ်ထီၣ်ဘှီထီၣ်ကဘီအဂီၢ် ကဘၣ်ဂုာ်ကျဲးစၢးဝဲထဲလဲၣ်န့ၣ်​ ထံၣ်တမှံကွၢ်တက့ၢ်.

• ကဘီဖးဒိၣ်​ အထီ ၄၃၇ ပ့ၣ်​ (၁၃၃ မံထၢၣ်), အဒီၣ်ဃီၤ ၇၃ ပ့ၣ်​ (၂၂ မံထၢၣ်) ဒီးအကစီၤထီၣ်​ ၄၄ ပ့ၣ်​ (၁၃ မံထၢၣ်) လီၤ.

• ဘၣ်ကူာ်လီၤသ့ၣ်ထူၣ်, ဘၣ်ဘူးတဲာ်ဝဲ ဒီးဘၣ်ဟဲက့ၤစိာ်ဝဲလၢ ကသူၣ်ထီၣ်ဘှီထီၣ်ကဘီအလီၢ်

• လၢအကိပူၤမ့ၢ်ဂ့ၤ အချၢမ့ၢ်ဂ့ၤ ဘၣ်ဖှူဝဲဒီးကျဲတံး

• စီၤနိအၤအဟံၣ်ဖိဃီဖိ ဒီးဆၣ်ဖိကီၢ်ဖိတဖၣ်အဂီၢ် ဘၣ်ပာ်ဖှိၣ်တၢ်အီၣ်တၢ်အီလၢ တနံၣ်အဂီၢ်

• တၢ်သူၣ်ထီၣ်ဘှီထီၣ်​ တၢ်မၤအံၤ လီၤဂာ်လၢအယံာ်ဝဲ အနံၣ်​ ၄၀–၅၀ ညါ

ဖဲယဟိဝၤယွၤ မၢပမၤတၢ်မၤလၢ အကီအခဲတခါအခါ တၢ်ကွဲးနီၣ်အံၤ ကကဲထီၣ်တၢ်ဂံၢ်တၢ်ဘါလၢ ပဂီၢ်ဒ်လဲၣ်.