အိၣ်မူဒ် ခရံာ်ဖိအသိး
တၢ်မၤဂ့ၤထီၣ် ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤပ—တၢ်စံၣ်တဲၤတဲလီၤတၢ်လၢ ခဲမရၢ် မ့တမ့ၢ် အ့ထၢၣ်ခီ (Intercom)
ဘၣ်မနုၤအဃိအရ့ဒိၣ်– စဲးဖီကဟၣ် လဲၤထီၣ်လဲၤထီဝဲအါမး ဒီးတၢ်အၢတၢ်သီအါထီၣ်ဝဲအဃိ ပှၤသူခဲမရၢ် မ့တမ့ၢ် အ့ထၢၣ်ခီ လၢဟံၣ်အတၢ်ဘံၣ်တၢ်ဘၢအဂီၢ် အါထီၣ်ဝဲလီၤ. ပတထံၣ်အဝဲသ့ၣ်ဘၣ် ဘၣ်ဆၣ်အဝဲသ့ၣ်ထံၣ်ပှၤသ့လီၤ. အဃိ ပကဘၣ်စံၣ်တဲၤတဲလီၤ ပှၤလၢပထံၣ်အီၤတသ့ဘၣ်အဃိ ပကဘၣ်ယိၣ်တၢ်လီၤ. တၢ်ဟ့ၣ်ပလီၢ်လၢ လာ်တဖၣ်အံၤန့ၣ် ကမၤစၢၤပှၤဒ်သိး ပကအိၣ်ဒီးတၢ်နာ်န့ၢ်လီၤသး ဖဲပစံၣ်တဲၤတဲလီၤတၢ်လၢ ခဲမရၢ် မ့တမ့ၢ် အ့ထၢၣ်ခီ အခါန့ၣ်လီၤ.
ပမၤကသ့ဒ်လဲၣ်–
အိၣ်ဒီးတၢ်ထံၣ်လၢအဂ့ၤတက့ၢ်. ဟံၣ်ကစၢ်လၢ အဟံၣ်အိၣ်ဒီး ခဲမရၢ် မ့တမ့ၢ် အ့ထၢၣ်ခီန့ၣ် ဘၣ်သ့ၣ်သ့ၣ် ကအဲၣ်ဒိးတဲသကိးတၢ်ဒီးပှၤ
ခဲမရၢ် တနီၤန့ၣ် တချုးလၢ နဒိတကျိာ်တြဲၤ, နတုၤလၢတြဲၤအခီၣ်ထံးန့ၣ် စးထီၣ်မၤတၢ်လံအဃိ ဟံၣ်ကစၢ်တဖၣ် ကွၢ်နၤ ဒီးကဒိကနၣ်ဝဲလီၤ
ဖဲဟံၣ်ကစၢ်စံးဆၢက့ၤနၤအခါ တဲဆၢက့ၤအီၤလၢ ခဲမရၢ် မ့တမ့ၢ် အ့ထၢၣ်ခီ ဒ်နတဲတၢ်ဒီးပှၤတဂၤအသိးတက့ၢ်. နံၤကမှံ ဒီးတဲတၢ်ဒ် နတဲညီနုၢ်အသိးတက့ၢ်. ဖဲဟံၣ်ကစၢ်သုးဘူးအလၢ တြဲၤကပၤအခါ တဲတၢ်ဂ့ၢ်လၢ နကတဲာ်ကတီၤပာ်တဖၣ်တက့ၢ်. နမ့ၢ်ဘၣ်တဲတၢ်လၢ ခဲမရၢ်အမဲာ်ညါန့ၣ် တဘၣ်ပာ်နမဲာ်ဘူးဘူးဒီး ခဲမရၢ်တဂ့ၤ. ဟံၣ်ကစၢ် မ့ၢ်တစံးဆၢနၤဘၣ်န့ၣ် တဘၣ်တဲတၢ်နီတမံၤတဂ့ၤ
သ့ၣ်နီၣ်ထီၣ်လၢ နတဲသကိးတၢ်ဝံၤသနာ်က့ ဟံၣ်ကစၢ်န့ၣ် ကွၢ်နၤ ဒီးဒိကနၣ်နၤဒံးန့ၣ်တက့ၢ်