ဒီသဒၢ နတၢ်ဆီဟံၣ်ဆီဃီ

တၢ်ဆီဟံၣ်ဆီဃီ အတၢ်အၢၣ်လီၤအီလီၤန့ၣ်​ ယဟိဝၤယွၤ ထံၣ်ဝဲဒ် တၢ်လၢအရ့ဒိၣ်လီၤ. အဝဲတဲဝဲလၢ ပှၤနီၢ်ဒီမါဝၤတဖၣ်​ ကဘၣ်တီလိာ်အသးလီၤ. (မး. ၁၉:၅, ၆) လၢယွၤအပှၤဂီၢ်မုၢ်တဖၣ်အကျါန့ၣ်​ ပှၤလၢအိၣ်ဒီး ဒိဂ့ၤတဲာ်ဘၣ်လၢ တၢ်ဆီဟံၣ်ဆီဃီန့ၣ်​ အိၣ်ဝဲအါမးလီၤ. ဘၣ်ဆၣ်​ တၢ်ဆီဟံၣ်ဆီဃီလၢ အလၢအပှဲၤန့ၣ်​ တအိၣ်ဘၣ်. တၢ်ကီတၢ်ခဲအိၣ်ထီၣ်ဝဲသ့လီၤ. ဖဲတၢ်ကီတၢ်ခဲ အိၣ်ထီၣ်ဝဲအခါ ပှၤနီၢ်ဒီမါဝၤတဖၣ်​ တကြၢးဆိကမိၣ်ဝဲလၢ ကမၤလီၤဖးအသး မ့တမ့ၢ် ကမၤကတၢၢ်ကွံာ် အတၢ်ဆီဟံၣ်ဆီဃီဘၣ်. ခရံာ်ဖိ နီၢ်ဒီမါဝၤတဖၣ်​ ဒီသဒၢ အတၢ်ဆီဟံၣ်ဆီဃီကသ့ဒ်လဲၣ်.

ဆိကမိၣ်ကွၢ် တၢ်ဂ့ၢ်လၢအရ့ဒိၣ်ယဲၢ်မံၤ.

1. ၁. ဟးဆှဲးတၢ်လၢ ကမၤဘၣ်ဒိ နတၢ်ဆီဟံၣ်ဆီဃီ ဒ်သိးဒီး တၢ်ဂဲၤလိာ်ကွဲတၢ်အဲၣ်, တၢ်မၤမုာ်မၤဖှံသးလၢ အပာ်ဖျါထီၣ်တၢ်သကဲာ်ပဝးလၢ အတဂ့ၤတဖၣ်တက့ၢ်.—မး. ၅:၂၈; ၂ ပ့း. ၂:၁၄.

2. ၂. ဂုာ်ကျဲးစၢးမၤဂ့ၤထီၣ်​ နတၢ်ရ့လိာ်သးဒီး ယဟိဝၤယွၤ ဒီးမၤဂ့ၤထီၣ်​ နတၢ်ဆီဟံၣ်ဆီဃီ ဒ်သိးကလီၤပလိာ်ဒီး ကစၢ်ယွၤ အတၢ်ဘၣ်သးအဂီၢ်တက့ၢ်.—စံး. ၉၇:၁၀.

3. ၃. ကူထီၣ်သိးထီၣ်​ လုၢ်လၢ်သကဲာ်ပဝးအသီ, မၤတၢ်လၢအပာ်ဖျါထီၣ်​ တၢ်အဲၣ်တၢ်ကွံ လၢကကဲထီၣ်တၢ်မၤစၢၤလၢ နသးသမူ တံၤသကိးအဂီၢ်တက့ၢ်.—ကလီး. ၃:၈-၁၀, ၁၂-၁၄

4. ၄. တဲတၢ်လၢ အိၣ်ဒီးအခီပညီ ဒီးတဲအီၤလၢ တၢ်ယူးယီၣ်ပာ်ကဲအပူၤတက့ၢ်.—ကလီး. ၄:၆.

5. ၅. မၤလၢပှဲၤတၢ်လိၣ်ဘၣ်လၢ တၢ်မံဃုာ်တကပၤ လၢတၢ်အဲၣ်တၢ်ကွံအပူၤတက့ၢ်.—၁ ကရံၣ်. ၇:၃, ၄; ၁၀:၂၄.

ဖဲခရံာ်ဖိတဖၣ်​ ပာ်လုၢ်ပာ်ပှ့ၤ အတၢ်ဆီဟံၣ်ဆီဃီအခါ မ့ၢ်ဒၣ်အမၤလၤကပီၤ ယဟိဝၤယွၤလၢ အဒုးအိၣ်ထီၣ်တၢ်ဆီဟံၣ်ဆီဃီလီၤ.

ကွၢ်တၢ်ဂီၤမူလၢ အခိၣ်တီမ့ၢ်ဝဲ “ပကဘၣ်ဃ့ၢ်လၢ တၢ်သးစူၤ မ့တမ့ၢ် တၢ်တူၢ်န့ၢ်ခီၣ်ကဲအပူၤ—ဒိကနၣ်​ တၢ်ပြၢအတၢ်ဘျၢ, ဒီးစံးဆၢ တၢ်သံကွၢ်တဖၣ်အံၤ–

• 

  တၢ်ဆီဟံၣ်ဆီဃီတဖၣ်​ မ့ၢ်စးထီၣ်အသး ဂ့ၤဂ့ၤဘၣ်ဘၣ်​ သနာ်က့ တၢ်ကီတၢ်ခဲမနုၤတဖၣ်​ ဟဲအိၣ်ထီၣ်သ့လဲၣ်.

• 

  ပှၤလၢအတူၢ်ဘၣ်ဝဲလၢ တၢ်အဲၣ်တၢ်ကွံတအိၣ်လၢ အတၢ်ဆီဟံၣ်ဆီဃီအပူၤ လၢၤဘၣ်တဖၣ်အဂီၢ် လံာ်စီဆှံ တၢ်ဟံးစုနဲၣ်ကျဲမနုၤ မၤစၢၤအဝဲသ့ၣ်သ့လဲၣ်.

• 

  ယဟိဝၤယွၤ ပာ်လီၤတၢ်ဘျၢမနုၤတဖၣ်လၢ တၢ်ဆီဟံၣ်ဆီဃီအဂီၢ်လဲၣ်.

• ပှၤနီၢ်ဒီမါဝၤတဖၣ်​ ကအိၣ်ဒီးဟံၣ်မုာ်ဃီပၢၤအဂီၢ် အဝဲသ့ၣ်ခံဂၤလၢာ် ကဘၣ်မၤတၢ်မနုၤလဲၣ်.