အိၣ်မူဒ် ခရံာ်ဖိအသိး
ပစံးဘျုး ယဟိဝၤယွၤ ခီဖျိလၢ သုပာ်ဖျါထီၣ် တၢ်အဲၣ်အဃိ
တၢ်ကီတၢ်ခဲအိၣ် သနာ်က့ သ့းစၤလနံ တၢ်အိၣ်ဖှိၣ်န့ၣ် ပာ်ဖျါထီၣ်တၢ်အဲၣ်လၢ ခရံာ်ဖိကဒဲကဒဲတဖၣ်အဖီခိၣ်. (၂ သ့း. ၁:၃, ၄) ဆၢကတီၢ်ခဲအံၤစ့ၢ်ကီး ယဟိဝၤယွၤ အပှၤဂီၢ်မုၢ်တဖၣ် ပာ်ဖျါထီၣ်တၢ်အဲၣ်ဒ်သိးအံၤ လၢဒီပုၢ်ဝဲၢ်လၢအအိၣ်လၢ ဟီၣ်ခိၣ်ဒီဘ့ၣ်တဖၣ်အဖီခိၣ်လီၤ. တၢ်ဂ့ၢ်လၢ အအိၣ်လၢ “ပသူတၢ်မၤဘူၣ်တဖၣ်ဒ်လဲၣ်” လၢ jw.org အပူၤန့ၣ် ပာ်ဖျါထီၣ်ဝဲ တၢ်ဂ့ၢ်လၢပသူတၢ်မၤဘူၣ်တဖၣ်အံၤ ဒီးပဆီၣ်ထွဲမၤစၢၤဘၣ် ဒီပုၢ်ဝဲၢ်မုၣ်ခွါလၢ အထံၣ်ဘၣ်ဒီး တၢ်ကီတၢ်ခဲတဖၣ်လီၤ. ပစံးဘျုးသုဒိၣ်မးလၢ သုတၢ်အဲၣ် ဒီးသုတၢ်သးအိၣ်ဟ့ၣ်တၢ်အဃိလီၤ.
ကွၢ်တၢ်ဂီၤမူလၢအမ့ၢ် ပ“စံးဘျုး ကစၢ်ယွၤလၢ သုဃိထီဘိ” ဒီးစံးဆၢတၢ်သံကွၢ်တဖၣ်အံၤ–
• တၢ်မၤဘူၣ်တဖၣ် ပသူအီၤလၢ တၢ်ဖံးတၢ်မၤ မနုၤအဂီၢ်လဲၣ်.
• ကျဲအဂ့ၤကတၢၢ်တဘိလၢ ပကမၤစၢၤ ဒီပုၢ်ဝဲၢ်မုၣ်ခွါတဖၣ် အတၢ်လိၣ်ဘၣ် လၢကျိၣ်စ့အဂီၢ်န့ၣ် မ့ၢ်မနုၤလဲၣ်.—ကွၢ်စ့ၢ်ကီး “စ့အပိၣ်တဖၣ် မၤလၢပှဲၤဝဲ တၢ်လိၣ်ဘၣ်အဂၤ” လၢ jw.org အပူၤ.