အိၣ်မူဒ် ခရံာ်ဖိအသိး
ဖဲနဟးစံၣ်တဲၤတဲလီၤတၢ်အခါ ပၠးပှၤဂၤလၢ သန့ လၢအအိၣ်လၢ JW.ORG ဝဲးပဆဲးအပူၤ
လၢပဝဲးပဆဲး အသန့ (home page) ပူၤန့ၣ် ပာ်ဖျါထီၣ်ဝဲ တၢ်ဂ့ၢ်တၢ်ကျိၤ ဒီးတၢ်ဂီၤမူ ဒ်သိးဒီး ကထုးန့ၢ်ဝဲ ပှၤလၢအသူၣ်ဘျၢသးဘျၢတဖၣ်အသးအဂီၢ်. (မၤတၢ် ၁၃:၄၈) လၢပဝဲးပဆဲး အသန့ပူၤန့ၣ် အပာ်ဖျါထီၣ်ဝဲ တၢ်ကစီၣ် ဒီးတၢ်ဂ့ၢ်တၢ်ကျိၤလၢ ပှၤဆိကမိၣ်အီၤ ဒီးပှၤတဲသကီးအီၤအါ.
သန့ လၢအအိၣ်လၢ jw.org ဝဲးပဆဲးအပူၤန့ၣ် နသူအီၤလၢ တၢ်စံၣ်တဲၤတဲလီၤတၢ်မၤအပူၤ ကသ့ဒ်လဲၣ်.
နုာ်လီၤကွၢ် ဝဲးပဆဲးထီဘိ. ပာ်သူၣ်ပာ်သး တၢ်ဂ့ၢ်လၢအဟဲထီၣ်အသီ လၢအအိၣ်ဖဲ “မၤန့ၢ်အီၤသ့” အဖီလာ်. ဒီးဆိကမိၣ်ထံ ဘၣ်ဃးဒီး နကသူတၢ်ဂ့ၢ်တဖၣ်အံၤ လၢနကမၤစၢၤ ပှၤလၢအသးအိၣ် တၢ်မ့ၢ်တၢ်တီတဖၣ်ဒ်လဲၣ်. (ဒ်သိး နကထံၣ်ဘၣ် တၢ်ဂ့ၢ်အဂၤလၢ အပူၤကွံာ် လၢအဟဲဖျါထီၣ်ဖဲ သန့အပူၤအဂီၢ် ဆီၣ်လီၤ “ဃုကွၢ်အါထီၣ်.”) နမ့ၢ်ဖးကွၢ် တၢ်ဂ့ၢ်အသီလၢ အဟဲထီၣ်လၢ ပဝဲးပဆဲးအပူၤ ထီဘိန့ၣ် ကမၤစၢၤနၤလၢ နစံၣ်တဲၤတဲလီၤတၢ် ကသ့ဒိၣ်ထီၣ်.
သူတၢ်ဂ့ၢ်တၢ်ကျိၤ ဒီးတၢ်ဂီၤမူ လၢအအိၣ်လၢ သန့အပူၤ လၢနကစးထီၣ် တဲသကိးတၢ်ဒီးပှၤဂၤအဂီၢ်. တၢ်သ့ၣ်တဖၣ်အံၤ ကဒုးသ့ၣ်ညါပှၤ တၢ်ဂ့ၢ်တနီၤလၢ ပှၤလၢပလီၢ်ကဝီၤပူၤတဖၣ် သးအိၣ်ဝဲ.
ပၠးပှၤဂၤ ပဝဲးပဆဲး အသန့. တဲပၠးအဝဲသ့ၣ် တၢ်ဂ့ၢ်တခါခါ ဒီးတဲပၠးအီၤလၢ အကဘၣ်ဃုဝဲဒ်လဲၣ်.
ဆှၢန့ၢ်အဝဲသ့ၣ် လ့း (link). ပှၤတနီၤန့ၣ် တအဲၣ်ဒိးတဲတၢ်ဒီးပှၤဘၣ် သနာ်က့ အဝဲသ့ၣ် အဲၣ်ဒိးနုာ်လီၤကွၢ် ပဝဲးပဆဲး. ဆှၢန့ၢ်အီၤ လ့းလၢအကဆှၢအီၤဆူ သန့. မ့တမ့ၢ်ဘၣ်န့ၣ် ဆှၢန့ၢ်အီၤ တၢ်ဂ့ၢ်တခါခါ မ့တမ့ၢ် တၢ်ဂီၤမူတခါခါလၢ အအိၣ်လၢ ဝဲးပဆဲးအပူၤ.