အိၣ်မူဒ် ခရံာ်ဖိအသိး
လၢနတၢ်ဆိကမိၣ်အပူၤဒၣ်လဲာ် အိၣ်ဒီးတၢ်သးတီ
ပပာ်ဖျါထီၣ်လၢ ပတီဒီးယဟိဝၤယွၤ ခီဖျိလၢ ပတၢ်စံးတၢ်ကတိၤ ဒီးတၢ်ဖံးတၢ်မၤ တကးဒံးဘၣ် လၢပတၢ်ဆိကမိၣ်စ့ၢ်ကီး. (စံး ၁၉:၁၄) လံာ်စီဆှံ ဟ့ၣ်ဂံၢ်ဟ့ၣ်ဘါပှၤလၢ ပကဆိကမိၣ်ထံ တၢ်လၢအမ့ၢ်အတီ, တၢ်လၢအရ့ဒိၣ်, တၢ်လၢအတီအလိၤ, တၢ်လၢအစီဆှံ, တၢ်လၢ အထိၣ်ဟူးထိၣ်ဂဲၤထီၣ်ပှၤ လၢကအဲၣ်တၢ်, တၢ်လၢ အကဲထီၣ်တၢ်ဂံၢ်တၢ်ဘါ, တၢ်လၢအဂ့ၤ ဒီးတၢ်လၢ အလီၤစံးပတြၢၤတဖၣ်. (ဖံလံး ၄:၈) ဒ်သိး တၢ်ဆိကမိၣ်လၢ အတဂ့ၤတဖၣ် တဟဲနုာ်လီၤလၢပသးပူၤတဂ့ၤအဂီၢ် ပမၤတသ့ဘၣ်, သနာ်က့ ပပၢၤပသး ဒီးထုးထီၣ်ကွံာ် တၢ်ဆိကမိၣ်လၢအတဂ့ၤတဖၣ် ဒီးဆိကမိၣ်က့ၤ တၢ်လၢအဂ့ၤတဖၣ်သ့. လၢပတၢ်ဆိကမိၣ်အပူၤဒၣ်လဲာ် ပမ့ၢ်အိၣ်ဒီး တၢ်သးတီန့ၣ် ကမၤစၢၤပှၤဒ်သိး ပကဆဲးပာ်ဖျါထီၣ် တၢ်သးတီလၢတၢ်မၤ.—မၢ် ၇:၂၁-၂၃.
လၢလံာ်စီဆှံ တဆၢဘၣ်တဆၢ အဖီလာ်န့ၣ် ကွဲးလီၤ တၢ်ဆိကမိၣ်လၢ ပကြၢးဟးဆှဲးအီၤ–