တၢ်ဂ့ၢ်မိၢ်ပှၢ်

ခရံာ်ဖိတဖၣ် ကဘၣ်ယူးယီၣ်ပာ်ကဲပှၤဂၤလီၤ. လၢတၢ်မၤလိအံၤအပူၤ ပကမၤလိဘၣ်လၢ ပကြၢးယူးယီၣ်ပာ်ကဲ မတၤတဖၣ်လဲၣ် ဒီးဘၣ်မနုၤအဃိ အဝဲသ့ၣ်ကြၢးဒိးန့ၢ်ဘၣ် တၢ်ယူးယီၣ်ပာ်ကဲလဲၣ်န့ၣ်လီၤ. တကးဒံးဘၣ် ပကထံၣ်ဘၣ်လၢ တၢ်ယူးယီၣ်ပာ်ကဲပှၤအဂၤန့ၣ် ကဲဘျုးဒ်လဲၣ်န့ၣ်လီၤ.

လံာ်စီဆှံတဲဝဲလၢ ပှၤတဂၤစုာ်စုာ် ကဘၣ်မၤတၢ်ဆၢတဲာ်လၢ အနီၢ်ကစၢ်ဒၣ်ဝဲလီၤ. ဒ်သိးပကမၤတၢ်ဆၢတဲာ်လၢ တၢ်ကူၣ်သ့အပူၤအဂီၢ် တၢ်မနုၤကမၤစၢၤပှၤလဲၣ်. ဒီးမ့ၢ်ပကြၢးဆီတလဲ ပတၢ်ဆၢတဲာ်ဧါ. တၢ်မၤလိဝဲအံၤ ကပာ်ဖျါထီၣ်န့ၢ်ပှၤ တၢ်သံကွၢ်တဖၣ်အံၤ အတၢ်စံးဆၢလီၤ.

ပဝဲခဲလၢာ် ပမ့ၢ်ပှၤတလၢတပှဲၤအဃိ ပမၤဘၣ်တၢ်ကမၣ်တဖၣ်လီၤ. ဘၣ်ဆၣ် ပမၤသးခုယဟိဝၤယွၤ အသးသ့ဒံးဝဲလီၤ. လၢတၢ်မၤလိခံခါအံၤအပူၤ ပကဆိကမိၣ်ကွၢ် ယူဒၤအစီၤပၤလွံၢ်ဂၤအဂ့ၢ် ဒီးတၢ်ကမၣ်လၢ အဝဲသ့ၣ်မၤဘၣ်ဝဲတဖၣ်လီၤ. တၢ်ကမၣ်တနီၤနီၤလၢ အဝဲသ့ၣ်မၤတ့ၢ်ဝဲန့ၣ် မ့ၢ်တၢ်ကမၣ်ဖးဒိၣ်လီၤ. ဘၣ်ဆၣ် ယဟိဝၤယွၤထံၣ်အဝဲသ့ၣ် ဒ်ပှၤလၢအမၤ အတၢ်မၤလၢ သူၣ်ဒီဖျၢၣ်သးဒီဖျၢၣ်န့ၣ်လီၤ. မ့မ့ၢ်ပဝဲတခီမီၤ. ပမ့ၢ်မၤဘၣ်တၢ်ကမၣ်တဖၣ်န့ၣ် မ့ၢ်ယွၤကထံၣ်ပှၤဒ် ပှၤလၢအမၤအတၢ်မၤလၢ သူၣ်ဒီဖျၢၣ်သးဒီဖျၢၣ်အသိးဒံးဧါ.