ယိၤဘးအိၣ်ဒီးတၢ်သးတီ လၢယွၤအဖီခိၣ် အဂ့ၢ်

နတသးကညီၤ ပှၤဘၣ်ဆူးဘၣ်ဆါတဂၤအံၤဘၣ်ဧါ. အဝဲအမံၤမ့ၢ်ယိၤဘးလီၤ. ပိာ်မုၣ်အံၤတခီ မ့ၢ်ဝဲအမါလီၤ. မ့ၢ်အတဲဝဲယိၤဘးမနုၤလဲၣ်နသ့ၣ်ညါဧါ. တဲဝဲဒၣ်လၢ ‘ဆိၣ်အၢယွၤဒီးသံတက့ၢ်’ လီၤ. ဘၣ်မနုၤအဃိ ဘၣ်တဲဝဲထဲအံၤညါန့ၣ်လဲၣ်. ဘၣ်မနုၤအဃိ ယိၤဘးဘၣ်နးဘၣ်ဖှီၣ်ဝဲ ထဲအံၤလဲၣ်. ပကွၢ်သကိးတက့ၢ်.

ယိၤဘးမ့ၢ် ပှၤတဂၤလၢ ဒိကနၢ်ယွၤအကလုၢ်ဒီး သးတီဒီးအီၤတဂၤလီၤ. အိၣ်ဝဲလၢ ကီၢ်ဧူးစးလၢ အတယံၤဘၣ်ဒီး ကီၢ်ကနၤဧၣ်န့ၣ်လီၤ. ယဟိဝၤန့ၣ် အဲၣ်ယိၤဘးဒိၣ်မးန့ၣ်လီၤ. ဘၣ်ဆၣ် ပှၤလၢအသးဟ့အီၤ အိၣ်တဂၤလီၤ. မတၤလဲၣ်. သုသ့ၣ်ညါဧါ.

မ့ၢ်ဝဲမုၣ်ကီၤလံၢ်စၤတၣ်လီၤသၢၣ်. သ့ၣ်နီၣ်က့ၤလၢ စၤတၣ်မ့ၢ် မူခိၣ်ကလူးအအၢအသီလၢ အသးဟ့ယဟိဝၤန့ၣ်တက့ၢ်. အဝဲမၤတ့ၢ် အၤဒၣ်ဒီးအံၣ်အု ဒ်သိးတဒိကနၣ် ယွၤအတၢ်ကတိၤန့ၢ်အဃိ ဆိကမိၣ်ဝဲဒၣ် မ့ၢ်မၤပှၤခဲလၢာ် ဒ်သိးတဒိကနၣ် ယဟိဝၤအတၢ်ကတိၤ ကန့ၢ်လီၤ. ဘၣ်ဆၣ်မၤဝဲန့ၢ်သပှၢ်ကတၢၢ်ဧါ. မၤဝဲတန့ၢ်ဘၣ်. ကွၢ်, ပမၤလိတ့ၢ်ဘၣ် ပိာ်ခွါဒီးပိာ်မုၣ်တဖၣ် လၢအသးတီဒီးယွၤ အိၣ်အါမးအဂ့ၢ် န့ၣ်တက့ၢ်. သုတဲအဝဲသ့ၣ်အမံၤ ကသ့ပှံၤဂၤလဲၣ်.

ယၤကိာ်ဒီးယိၤသး သံလၢအဲၤကူပတူးဝံၤအလီၢ်ခံ ယိၤဘးမ့ၢ် ပှၤလၢအသးတီကတၢၢ် လၢယဟိဝၤအဖီခိၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ. ယဟိဝၤအဲၣ်ဒိး မုၣ်ကီၤလံၢ်သ့ၣ်ညါလၢ အဝဲမၤကဲထီၣ်ပှၤခဲလၢာ် ပှၤအၢပှၤသီ တန့ၢ်ဘၣ်န့ၣ်လီၤ. လၢတၢ်န့ၣ်အဃိ ယွၤစံးဘၣ်မုၣ်ကီၤလံၢ်, ‘ကွၢ်ယိၤဘးတက့ၢ်. ကွၢ်အသးတီလၢယဖီခိၣ်ဆံးဒိၣ်လဲၣ် န့ၣ်တက့ၢ်’ န့ၣ်လီၤ.

မုၣ်ကီၤလံၢ်ကတိၤဆၢက့ၤယွၤဒီးစံးဝဲဒၣ်, ‘ယိၤဘးအသးကတီဝဲသၢၣ်. နဲတခီနဆိၣ်ဂ့ၤအီၤ, အိၣ်ဝဲဒီး အတၢ်စုလီၢ်ခီၣ်ခိၣ်အါမးန့ၣ်လီၤ. ထုးထီၣ်ကွံာ်တၢ်တဖၣ်အံၤလၢ အအိၣ်ဘီၣ်. ကဆိၣ်အၢမးနၤန့ၣ်လီၤ.’

လၢတၢ်အံၤအဃိ ယဟိဝၤစံး, ‘မၤကွၢ်အီၤသၢၣ်. ဟံးထီၣ်ကွံာ်အတၢ်ခဲလၢာ်. ဟ့ၣ်မၤနးမၤဖှီၣ်ယိၤဘးဖဲနအဲၣ်ဒိးမၤ, ကဆိၣ်အၢယၤဧါ, ပကွၢ်သကိးတက့ၢ်. တမံၤဒၣ်န့ၣ် မ်နသုတမၤသံအီၤတဂ့ၤ’ န့ၣ်လီၤ.

အဆိကတၢၢ်, မုၣ်ကီၤလံၢ်မၤလၢ တမျာ်ဟဲဒုး ယိၤဘးအဂီၤဖံးတဖၣ် ဒီးအကီၤလၤအူးတဖၣ်, ဒီးမၤသံအသိတဖၣ်န့ၣ်လီၤ. ဝံၤဒီး မၤသံအဖိခွါဒီးအဖိမုၣ်အဂၤ ၁၀ လၢကလံၤမုၢ်တခါန့ၣ်လီၤ. လၢခံတဘျီန့ၣ် မၤနးမၤဖှီၣ်ယိၤဘးလၢ တၢ်ဆူးတၢ်ဆါလၢအလီၤပျံၤဒိၣ်မး ဒ်အံၤန့ၣ်လီၤ. ယိၤဘး ဘၣ်တူၢ်ဖှီၣ်တူၢ်ယာ်အသးဒိၣ်မးန့ၣ်လီၤ. လၢတၢ်အံၤအဃိ ယိၤဘးအမါစံးအီၤလၢ ‘ဆိၣ်အၢယွၤဒီးသံတက့ၢ်’ န့ၣ်လီၤ. ဘၣ်ဆၣ် ယိၤဘးတမၤဝဲဒ်န့ၣ်ဘၣ်. ဝံၤဒီး အတံၤသကိးအဘျၣ်သၢဂၤ ဟဲဆူအအိၣ်ဒီး စံးအီၤလၢ လၢညါအဝဲမၤတ့ၢ်ဝဲ တၢ်တတီတလိၤန့ၣ်လီၤ. ဘၣ်ဆၣ် ယိၤဘးတမၤဟးဂီၤ အတၢ်သးတီဘၣ်.

လၢတၢ်တဖၣ်အံၤအဃိ ယဟိဝၤအသးခုဝဲဒိၣ်မးန့ၣ်လီၤ. လၢခံန့ၣ် ဆိၣ်ဂ့ၤဝဲဒၣ်ယိၤဘး ဒ်ပထံၣ်ဘၣ်အီၤလၢ တၢ်ဂီၤအံၤအသိးလီၤသၢၣ်. မၤဘျါန့ၢ်က့ၤအတၢ်ဆူးတၢ်ဆါ, ဒီးယိၤဘးမၤန့ၢ် အဖိအလံၤဒိၣ်တၢ်ဂ့ၤမးအဂၤ ၁၀ ကဒီးန့ၣ်လီၤ. မၤန့ၢ်က့ၤသိ, ဂီၤဖံး, ဒီးကီၤလၤအူးတဖၣ် အါန့ၣ်လၢညါခံကဒါန့ၣ်လီၤ.

သုဝဲသ့ၣ်အံၤ မ့ၢ်သုသးကတီ လၢယဟိဝၤအဖီခိၣ် ထီဘိဒ်ယိၤဘးအသိးစ့ၢ်ကီးဧါ. မ့ၢ်ဒ်န့ၣ်သၢပျၢၤ ယဟိဝၤကဆိၣ်ဂ့ၤသုစ့ၢ်ကီးလီၤ. ဖဲဟီၣ်ခိၣ်ဒီဘ့ၣ်ညါ မ့ၢ်ဃံထီၣ်လၤထီၣ်ဝဲ ဒ်ဧ့ၤဒ့ၣ်တၤသၣ်အလီၢ်အသိးအခါ သုဝဲစ့ၢ်ကီး သုကအိၣ်မူဘၣ်ထီဘိ လၢအပူၤန့ၣ်လီၤ.