အကူာ် ၂
ကစၢ်ယွၤအမ့ၢ်အတီန့ၣ် မ့ၢ်မတဂၤလဲၣ်
ကစၢ်ယွၤအမ့ၢ်အတီ အိၣ်ထဲတဂၤလီၤ ဒီးအမံၤမ့ၢ် ယဟိဝၤ. (စံးထီၣ်ပတြၢၤ ၈၃:၁၈) ကစၢ်ယွၤမ့ၢ်ပှၤနီၢ်သးလၢ ပထံၣ်အီၤလၢပမဲာ် တသ့ဘၣ်. အဝဲအဲၣ်ပှၤ ဒီးအအဲၣ်ဒိးလၢ ပကအဲၣ်ဆၢက့ၤအီၤ. ကစၢ်ယွၤအဲၣ်ဒိးလၢ ပကအဲၣ်ပှၤအဂၤတဖၣ်စ့ၢ်ကီး. (မးသဲ ၂၂:၃၅-၄၀) ယဟိဝၤယွၤ မ့ၢ်တၢ်ဘၣ်တ့ခဲလၢာ်အကစၢ် လၢအစိကမီၤဒိၣ်ကတၢၢ်.
ကစၢ်ယွၤအတၢ်ဘၣ်တ့ အဆိကတၢၢ်န့ၣ် မ့ၢ်ပှၤနီၢ်သးဖိတဂၤလၢ အစိကမီၤဒိၣ် ဒီးလၢခံ ပှၤသ့ၣ်ညါအီၤ လၢအမ့ၢ်ယ့ၣ်ၡူးခရံာ်. ယဟိဝၤယွၤ တ့လီၤစ့ၢ်ကီး မူခိၣ်ကလူးတဖၣ်.
ယဟိဝၤယွၤတ့လီၤ တၢ်အိၣ်လၢမူခိၣ် . . . ဒီးတၢ်အိၣ်လၢ ဟီၣ်ခိၣ်ချၢကိးမံၤဒဲး. လီၣ်ဖျါ ၄:၁၁
ယဟိဝၤယွၤတ့လီၤဝဲ ဆၣ်တဖၣ်, ဟီၣ်ခိၣ် ဒီးတၢ်အိၣ်လၢ ဟီၣ်ခိၣ်ချၢခဲလၢာ်. —၁ မိၤၡ့ ၁:၁.
ကစၢ်ယွၤတ့လီၤ ပှၤဟီၣ်ခိၣ်ဖိ အဆိကတၢၢ်တဂၤန့ၣ် အကဲဝဲစီၤအၤဒၣ်. ဒီးကစၢ်ယွၤတ့လီၤအီၤ လၢဟီၣ်ခိၣ်ကမူၣ်. —၁ မိၤၡ့ ၂:၇.