အကူာ် ၉
ဟီၣ်ခိၣ် ကကဲထီၣ်ပၤရဒံစူးလၢ ဆၢကတီၢ်ဖဲလဲၣ်
တၢ်ကီတၢ်ခဲတဖၣ်လၢ အအိၣ်လၢ ဟီၣ်ခိၣ်ချၢန့ၣ် ပာ်ဖျါထီၣ်ဝဲလၢ ယွၤအဘီမုၢ် ဟဲဘူးထီၣ်လံ. လူၤကၣ် ၂၁:၁၀, ၁၁; ၂ တံၤမသ့း ၃:၁-၅
တၢ်လၢအကဲထီၣ်အသးလၢ မုၢ်မဆါတနံၤအံၤန့ၣ် လံာ်စီဆှံတဲဆိပာ်စၢၤဝဲ. အဒိ လံာ်စီဆှံတဲဝဲလၢ ပှၤကညီ ကမ့ၢ်ပှၤအဲၣ်ကျိၣ်အဲၣ်စ့, တဒိကနၣ်မိပါအကလုၢ်ဘၣ်, ကအၢဝဲသီဝဲ ဒီးကအဲၣ်တၢ်မုာ်တၢ်ပၠီၣ်.
ဟီၣ်ခိၣ်ကဟူးဖးဒိၣ်, တၢ်ဒုးတၢ်ယၤ ကအိၣ်ထီၣ်, ပှၤအါဂၤ အတၢ်အီၣ်တၢ်အီ တယၢဘၣ် ဒီးတၢ်ဆူးတၢ်ဆါ ကအါထီၣ်ဝဲလီၤ. ပထံၣ်ဘၣ် တၢ်အိၣ်သးတဖၣ်အံၤ ခဲအံၤလီၤ.
ယ့ၣ်ၡူးတဲစ့ၢ်ကီးဝဲလၢ ဘီမုၢ်တၢ်သးခုကစီၣ်န့ၣ် ပှၤကစံၣ်တဲၤတဲလီၤအီၤ လၢဟီၣ်ခိၣ်ဒီဘ့ၣ်.—မးသဲ ၂၄:၁၄.
ကစၢ်ယွၤအဘီမုၢ် ကမၤလီၤမၢ်ကွံာ် တၢ်အၢတၢ်သီခဲလၢာ်. ၂ ပ့းတရူး ၃:၁၃
တယံာ်လၢၤဘၣ်န့ၣ် ယဟိဝၤယွၤ ကမၤဟးဂီၤကွံာ် ပှၤအၢပှၤသီခဲလၢာ်.
မုၣ်ကီၤလံၢ် ဒီးတၢ်ဝံတၢ်နါတဖၣ် ကဘၣ်တၢ်စံၣ်ညီၣ်အီၤ.
မ့မ့ၢ် ပှၤလၢအဒိကနၣ် ယွၤအကလုၢ်န့ၣ် ကအိၣ်မူဘၣ်လၢ ဟီၣ်ခိၣ်ပၤရဒံစူးအပူၤ. ပှၤလၢအအိၣ်ဖဲန့ၣ်တဖၣ် ကအဲၣ်လိာ်အသး ဒီးအဝဲသ့ၣ် တလိၣ်ပျံၤတၢ် နီတမံၤလၢၤဘၣ်.