တၢ်သးဝံၣ် ၁၅၂
ပတၢ်ဂံၢ်တၢ်ဘါ, ပတၢ်မုၢ်လၢ်, ပတၢ်နာ်န့ၢ်အလီၢ်
Printed Edition
၁. ပၢ် ယဟိဝၤ, နဆိၣ်ဂ့ၤဘၣ်ပှၤ
ဟ့ၣ်လီၤပှၤတၢ်မုၢ်လၢ်.
မ့ၢ်တၢ်မုၢ်လၢ်လၢ လုၢ်ပှ့ၤဒိၣ်
ဆၢဒုးသ့ၣ်ညါကိးဂၤ.
ဘၣ်ဆၣ် တၢ်အိၣ်မူတၢ်ကိၢ်တၢ်ဂီၤ
ကဲထီၣ်တၢ်ဘၣ်ယိၣ်ဘၣ်ဘှီ,
တၢ်မုၢ်လၢ်လၢ ကပီၤဒ်မုၢ်
ခံးလီၤဒီးဖျါကဒု.
(ခိရၢာ်)
ပဂံၢ်ဘါ, တၢ်မုၢ်လၢ်,
တၢ်နာ်န့ၢ်အလီၢ်.
နမၤလၢပှဲၤပတၢ်လိၣ်ဘၣ်.
ဖဲပဟး, သိၣ်လိတၢ်,
ပသးဆူၣ်ဒိၣ်မး
မ့ၢ်လၢသန့ၤသး ထဲလၢနၤ.
၂. ယဟိဝၤဧၢ, ဒုးသ့ၣ်နီၣ်က့ၤပှၤ
လၢနမၤစၢၤတ့ၢ်ပှၤ,
လၢညါဖဲဘၣ်ကီဘၣ်ခဲခါ
နမၤမုာ်ထီၣ်ပသး.
တၢ်ဆိကမိၣ်အံၤ ကဲပဂံၢ်ဘါ
မၤကပီၤထီၣ်တၢ်မုၢ်လၢ်,
ပသးပှဲၤထီၣ်ဒီးတၢ်သးဆူၣ်
ကတဲနမံၤဒူဒူ.
(ခိရၢာ်)
ပဂံၢ်ဘါ, တၢ်မုၢ်လၢ်,
တၢ်နာ်န့ၢ်အလီၢ်.
နမၤလၢပှဲၤပတၢ်လိၣ်ဘၣ်.
ဖဲပဟး, သိၣ်လိတၢ်,
ပသးဆူၣ်ဒိၣ်မး
မ့ၢ်လၢသန့ၤသး ထဲလၢနၤ.
(ကွၢ်စ့ၢ်ကီး စံး. ၇၂:၁၃, ၁၄; ကတိၤ. ၃:၅, ၆, ၂၆; ယံး. ၁၇:၇ တက့ၢ်.)