တၢ်သးဝံၣ် ၇၅
ယၤလီၤ, ဆှၢလီၤဘၣ်ယၤ
၁. ပှၤအါဂၤလၢ ဆၢကတီၢ်အံၤ
ဒုၣ်ဒွဲၣ်စံးအၢဝဲ ယွၤအမံၤ.
တနီၤတဲယွၤ, သူၣ်အၢသးသီ.
ပှၤဟးဂီၤဖိတဲ “ယွၤတအိၣ်.”
ဒ်သိးယွၤမံၤကစီဆှံဂီၢ်
မတၤကလဲၤစံၣ်တဲၤတဲလီၤ.
(ခိရၢာ် ၁)
‘စၢ်ဧၢ, ယၤလီၤ ဆှၢလီၤဘၣ်ယၤ,
ယကသးဝံၣ် စံးပတြၢၤနၤ.
တၢ်ခွဲးယာ်ဒိၣ်န့ၢ်အန့ၣ်တအိၣ်.
ဆှၢယၤ, ဆှၢလီၤယၤ စၢ်ဧၢ.’
၂. ပှၤအါဂၤ တပျံၤကစၢ်ဒီး
တဲလၢယွၤ သုးတၢ်ဆၢကတီၢ်.
တနီၤဘါထီၣ်တၢ်ဂီၤတဖၣ်,
တနီၤပာ် ‘ကဲစၢ်’ ဒ်အယွၤ.
မတၤကတဲ ပှၤအၢပှၤသီ
လၢယွၤမုၢ်စံၣ်ညီၣ်နံၤဘူးထီၣ်.
(ခိရၢာ် ၂)
‘စၢ်ဧၢ, ယၤလီၤ ဆှၢလီၤဘၣ်ယၤ,
ယကဟ့ၣ်ပလီၢ်ပှၤ ကိးဂၤ.
တၢ်ခွဲးယာ်ဒိၣ်န့ၢ်အန့ၣ်တအိၣ်.
ဆှၢယၤ, ဆှၢလီၤယၤ စၢ်ဧၢ.’
၃. စိၤခဲအံၤ တၢ်အၢအိၣ်အါမး
ပှၤဆီၣ်လီၤသး ကအုကစွါ.
လၢတၢ်သးတီ လူၤဃုဝဲဒၣ်
တၢ်မ့ၢ်တၢ်တီ အတၢ်သ့ၣ်ညါ.
မတၤကလဲၤ မၤမုာ်ပှၤသး
သိၣ်လိဒ်တၢ်ဘၣ်ယွၤအသး
(ခိရၢာ် ၃)
‘စၢ်ဧၢ, ယၤလီၤ ဆှၢလီၤဘၣ်ယၤ,
ယကသးစူၤ သိၣ်လိပှၤဂၤ.
တၢ်ခွဲးယာ်ဒိၣ်န့ၢ်အန့ၣ်တအိၣ်.
ဆှၢယၤ, ဆှၢလီၤယၤ စၢ်ဧၢ.’
(ကွၢ်စ့ၢ်ကီး စံး. ၁၀:၄; ဃ့း. ၉:၄ တက့ၢ်.)