အိၣ်ဒီးတၢ်သူၣ်ဒူသးဒူ

ယ့ၣ်ၡူးမၤဝဲဒ်လဲၣ်

တၢ်ဂီၤမူ– ယ့ၣ်ၡူးစံၣ်တဲၤတဲလီၤဝဲ စီၤစးဃဲ

၁. ကွၢ် တၢ်ဂီၤမူ ဒီး ဖး လူၤကၣ် ၁၉:၁-၇. ဝံၤဒီးတဲသကိး တၢ်သံကွၢ်လၢလာ်တဖၣ်အံၤ–

1. က. ဘၣ်မနုၤအဃိ ပှၤတနီၤန့ၣ် တအဲၣ်ဒိးကနၣ်ဃုာ် စီၤစးဃဲဘၣ်လဲၣ်.

2. ခ. ဘၣ်မနုၤအဃိ ယ့ၣ်ၡူးသးအိၣ် စံၣ်တဲၤတဲလီၤ စီၤစးဃဲလဲၣ်.

ပမၤလိန့ၢ်တၢ်လၢ ယ့ၣ်ၡူးအအိၣ်ဒ်လဲၣ်

၂. ဒ်သိး ပစံၣ်တဲၤတဲလီၤ ပှၤကိးဂၤဒဲး ကဘူၣ်အဂီၢ် ပလိၣ်ဘၣ် တၢ်သူၣ်ဒူသးဒူ.

ကွၢ်လိမၤဒိးယ့ၣ်ၡူး

၃. သန့ၤသးလၢ ယဟိဝၤယွၤ. ယဟိဝၤယွၤ အသးစီဆှံ မၤစၢၤယ့ၣ်ၡူးလၢ ကစံၣ်တဲၤတဲလီၤတၢ်အဂီၢ် အဃိ ယဟိဝၤယွၤ အသးစီဆှံ ကမၤစၢၤစ့ၢ်ကီးပှၤလၢ ပစံၣ်တဲၤတဲလီၤတၢ်ကဘူၣ်စ့ၢ်ကီး. (မး ၁၀:၁၉, ၂၀; လူၤကၣ် ၄:၁၈) ဖဲပစံၣ်တဲၤတဲလီၤပှၤဂၤအခါ ပမ့ၢ်ပျံၤတၢ်န့ၣ် ဃ့ယဟိဝၤယွၤ အတၢ်မၤစၢၤ ဒ်သိးအကဟ့ၣ်ပှၤ တၢ်သးဒူ.—မၤတၢ် ၄:၂၉.

၄. တဘၣ်စံၣ်ညီၣ်ဆိပှၤဂၤတဂ့ၤ. ပှၤတနီၤနီၤ ခီဖျိလၢ အက့ၢ်အဂီၤ, အကဲပှၤထူးပှၤတီၤ, အကဲပှၤဖှီၣ်ဖိယာ်ဖိ, အမ့ၢ်ပှၤလၢ အမံၤဟူသၣ်ဖျါ မ့တမ့ၢ် အတၢ်စူၢ်တၢ်နာ် အဃိ ဘၣ်သ့ၣ်သ့ၣ် ပတအဲၣ်ဒိး စံၣ်တဲၤတဲလီၤအဝဲသ့ၣ်ဘၣ်. ဘၣ်ဆၣ် ပကဘၣ်သ့ၣ်နီၣ်ထီၣ်လၢ–

1. က. ယဟိဝၤယွၤ ဒီးယ့ၣ်ၡူးန့ၣ် ထံၣ်ပှၤသး မ့မ့ၢ်ပှၤန့ၣ် ပတထံၣ်ပှၤသးဘၣ်.

2. ခ. တဘၣ်ဆိကမိၣ်လၢ ပှၤတဂၤအံၤ ယဟိဝၤယွၤ မၤစၢၤအီၤတန့ၢ်ဘၣ်န့ၣ်တဂ့ၤ.

၅. ပအိၣ်ဒီးတၢ်သးဒူဘၣ်ဆၣ် ပကဘၣ်အိၣ်ဒီး တၢ်ကူၣ်သ့ဒီးတၢ်ပလီၢ်သး. (မး ၁၀:၁၆) တဘၣ်ဟးတဲအါလိာ်သးဒီး ပှၤဂၤဘၣ်. ပှၤတဂၤ မ့ၢ်တသးအိၣ်ဒိကနၣ် တၢ်သးခုကစီၣ် လၢပတဲအီၤ မ့တမ့ၢ် နမ့ၢ်တူၢ်ဘၣ်လၢ တၢ်လီၤဘၣ်ယိၣ်အိၣ်န့ၣ် လၢတၢ်ကူၣ်သ့အပူၤ တဘၣ်ဆဲးစံၣ်တဲၤတဲလီၤ အဝဲသ့ၣ်လၢၤတဂ့ၤ.—ကတိၤ ၁၇:၁၄.