“နဘီနမုၢ်န့ၣ် မ်အဟဲတက့ၢ်” တၢ်ဃ့ဘါထုကဖၣ်တခါလၢ ပှၤကညီလၢအကကွဲၢ်တဖၣ် ဃ့ဝံၤဃ့က့ၤဝဲ
မ့ၢ်နဃ့ဘါထုကဖၣ်လၢ ယွၤအဘီအမုၢ်ကဟဲဝဲအဂီၢ် တဘျီဘျီဧါ. ပူၤကွံာ်နံၣ်လၢအကယၤတဖၣ်န့ၣ် ပှၤကညီလၢအကကွဲၢ်တဖၣ် ဃ့ဝံၤဃ့က့ၤဝဲလၢ “နဘီနမုၢ်န့ၣ် မ်အဟဲတက့ၢ်.” ဘၣ်မနုၤအဃိ အဝဲသ့ၣ်ဃ့ဝဲဒ်န့ၣ်လဲၣ်. မ့ၢ်လၢယ့ၣ်ၡူးတဲဘၣ် ပှၤလၢအပိာ်အခံတဖၣ် ကဃ့ဝဲလၢ ယွၤအဘီအမုၢ် ကဟဲအဂီၢ်န့ၣ်လီၤ.
လၢအခီၣ်ထံးခါန့ၣ် ပှၤလၢအပိာ်ယ့ၣ်ၡူးအခံတဖၣ် တနၢ်ပၢၢ်ဝဲတၢ်လၢ ယ့ၣ်ၡူးတဲဝဲဘၣ်ဃးဒီး ဘီမုၢ်အံၤအဂ့ၢ်ဘၣ်. အဝဲသ့ၣ်သံကွၢ်ယ့ၣ်ၡူးလၢ “ကစၢ်ဧၢ, မ့ၢ်နကဟ့ၣ်လီၤက့ၤ ဘီမုၢ်လၢအံၣ်စရ့လး ခဲကနံၣ်အံၤဧါ.” ဒီးဖဲယ့ၣ်ၡူးတဟ့ၣ် အဝဲသ့ၣ်တၢ်စံးဆၢ တဘျီဃီဘၣ်အခါ ဘၣ်သ့ၣ်သ့ၣ် အဝဲသ့ၣ်ကကမၢကမၣ်ဘၣ်အသးလီၤ. (မၤတၢ် ၁:၆, ၇) အခီပညီန့ၣ် ယွၤအဘီအမုၢ် မ့ၢ်တၢ်မနုၤလဲၣ် ဒီးကဟဲဝဲအခါဖဲလဲၣ်န့ၣ် မ့ၢ်ပတသ့ၣ်ညါ အတၢ်စံးဆၢလၢၤဘၣ်ဟီဧါ. တမ့ၢ်ဒ်န့ၣ်ဘၣ်.
တၢးထီခိးတၢ် တဘ့ၣ်အံၤ ကမၤစၢၤနၤဒ်သိး နကသ့ၣ်ညါထီၣ် တၢ်သံကွၢ်လၢလာ်တဖၣ်အံၤ အတၢ်စံးဆၢအဂီၢ်–
ဘၣ်မနုၤအဃိ ပလိၣ်ဘၣ် ယွၤအဘီအမုၢ်လဲၣ်.
ယွၤအဘီအမုၢ် အစီၤပၤန့ၣ် ကမ့ၢ်မတဂၤလဲၣ်.
ယွၤအဘီအမုၢ် ကပၢဝဲဟီၣ်ခိၣ် အခါဖဲလဲၣ်.
ယွၤအဘီအမုၢ် ကမၤန့ၢ်ပှၤဟီၣ်ခိၣ်ဖိ တၢ်မနုၤလဲၣ်.
ဘၣ်မနုၤအဃိ ပကြၢးဆီၣ်ထွဲမၤစၢၤ ယွၤအဘီအမုၢ်လၢ အခဲအံၤလဲၣ်.
ယွၤအဘီအမုၢ်န့ၣ် မ့ၢ်တၢ်မနုၤလဲၣ်.