တၢ်အဒိလၢတၢ်နီၤလီၤ မဲးကစံအဂီၢ်

တၢးထီခိးတၢ် လါဖ့ၤဘြူၤအါရံၤ ၁

“တနံၤအံၤ ပဟးနီၤလီၤလံာ်ဖိတဘ့ၣ်အံၤ ဆူပှၤကိးဂၤဒဲးလၢ လီၢ်ကဝီၤအံၤအပူၤလီၤ. လံာ်ဖိတဘ့ၣ်အံၤ တဲနၢ်ပၢၢ်ပှၤလၢ လံာ်စီဆှံအတၢ်ဟ့ၣ်ကူၣ်လၢ ကကဲဘျုးလၢပဂီၢ်လီၤ. ယအဲၣ်ဒိးဟ့ၣ်နၤ လံာ်ဖိတဘ့ၣ်အံၤလီၤ. [ဟ့ၣ်လီၤဟံၣ်ကစၢ်လၢ လံာ်ဖိ လံာ်စီဆှံန့ၣ်နထံၣ်အီၤလၢ အမ့ၢ်လံာ်ဒ်လဲၣ်တဘ့ၣ်လဲၣ် န့ၣ်တက့ၢ်.] လၢလံာ်စီဆှံအပူၤန့ၣ် တၢ်ဟ့ၣ်ကူၣ်လၢအကကဲဘျုးလၢ ပတၢ်ဖံးတၢ်မၤအဂီၢ် မ့ၢ်ကအိၣ်ဧါ တအိၣ်ဘၣ်လဲၣ်န့ၣ် ပှၤတနီၤအဲၣ်ဒိးသ့ၣ်ညါဝဲလီၤ. ဘၣ်ဃးဒီးတၢ်ဂ့ၢ်အဝဲအံၤန့ၣ် ယကဖးန့ၢ်နၤ လံာ်စီဆှံတဆၢ. [ဖး စံၣ်တဲၤတဲလီၤတၢ် ၃:၁၃ တက့ၢ်.] မဲးကစံတဘ့ၣ်အံၤန့ၣ်ပာ်ဖျါဝဲဒၣ် လံာ်စီဆှံအတၢ်ဟ့ၣ်ကူၣ်တနီၤလၢ ကမၤစၢၤပှၤလၢ ပကအိၣ်ဒီးတၢ်သူၣ်ခုသးခုလၢ ပတၢ်မၤအပူၤလီၤ. မ့ၢ်နအဲၣ်ဒိးဖးစ့ၢ်ကီးဧါ.”

နိုးလော့! လါဖ့ၤဘြူၤအါရံၤ

“ပဟဲလၢနအိၣ် ဒ်သိးပကဟ့ၣ်နၤ (နိုးလော့! ) မဲးကစံလၢ အသီတဘ့ၣ်အံၤလီၤ. မဲးကစံအံၤ ပာ်ဖျါထီၣ်ဝဲတၢ်သံကွၢ်လၢ အလီၤသးစဲတခါအတၢ်စံးဆၢလီၤ. [ဒုးနဲၣ်အီၤ လံာ်အကုခိၣ်တက့ၢ်.] ယအဲၣ်ဒိးသ့ၣ်ညါ နတၢ်ဆိကမိၣ်လၢ ဘၣ်ဃးဒီးတၢ်အဒိလၢ မဲးကစံအံၤအပူၤလီၤ. [ဖး ကတိၤဒိ ၂၉:၁၁ တက့ၢ်.] နဆိကမိၣ်လၢ လံာ်စီဆှံအတၢ်ဟ့ၣ်ကူၣ်အံၤန့ၣ် အဘျုးကအိၣ်လၢ မုၢ်မဆါတနံၤအံၤအဂီၢ်ဒံးဧါ. [ခိးအတၢ်စံးဆၢတက့ၢ်.] မဲးကစံအံၤ ပာ်ဖျါထီၣ်ဝဲ လံာ်စီဆှံအတၢ်ဟ့ၣ်ကူၣ်လွံၢ်မံၤလၢကကဲဘျုးလၢပဂီၢ်လီၤ.”