တၢ်အဒိလၢတၢ်နီၤလီၤ လံာ်လဲၢ်တဖၣ်အဂီၢ်

တၢ်ကွဲမုာ်ခဲၣ်ဖ့လၢ တၢ်သ့ၣ်နီၣ်ထီၣ်မူးအဂီၢ်

“ပဟဲဟ့ၣ်နၤလံာ်ကွဲမုာ်ဖိလၢ နကဟဲထီၣ်မူးပွဲလၢအရ့ဒိၣ်အံၤ အဂီၢ်လီၤ. ဖဲလါအ့ဖြ့ၣ် ၃ သီန့ၣ် ပှၤအကကွဲၢ်တဖၣ်လၢ ဟီၣ်ခိၣ်ဒီဘ့ၣ်န့ၣ် ကပာ်ဖှိၣ်ထီၣ်အသးလၢကမၤဝဲ တၢ်သ့ၣ်နီၣ်ထီၣ် ယ့ၣ်ၡူးအတၢ်သံအံၤအမူးပွဲ အဂီၢ်န့ၣ်လီၤ. ဖဲန့ၣ်အဆၢကတီၢ် ပကနၢ်ဟူဘၣ်လၢ ယ့ၣ်ၡူးအတၢ်သံ ကဲဘျုးကဲဖှိၣ်လၢပဂီၢ်ဒ်လဲၣ်န့ၣ်လီၤ. နကဒိကနၣ် တၢ်စံၣ်တဲၤတဲလီၤတၢ်အံၤအဂီၢ် တလိၣ်လၢနကဘၣ်ဟ့ၣ်အပှ့ၤဘၣ်. တၢ်ဆၢကတီၢ်ဒီး တၢ်လီၢ်န့ၣ်ဘၣ်တၢ်ပာ်ဖျါထီၣ်အီၤလၢ လံာ်ကွဲမုာ်ဖိအံၤအပူၤလီၤ.”

တၢးထီခိးတၢ် လါမၢ်ၡး ၁

“ယ့ၣ်ၡူးအတၢ်သံဆၢက့ၤအလီၢ်န့ၣ် ကဘၣ်ဖဲလါအ့ဖြ့ၣ် ၃ သီလီၤ. ပှၤတနီၤလၢပလီၢ်ကဝီၤပူၤန့ၣ် ကပာ်ဖှိၣ်ထီၣ်အသးလၢကမၤဝဲ တၢ်သ့ၣ်နီၣ်ထီၣ် ယ့ၣ်ၡူးအတၢ်သံအမူးပွဲန့ၣ်လီၤ. ဘၣ်ဆၣ် ပှၤတနီၤနီၤန့ၣ်ဆိကမိၣ်ဝဲလၢ ယ့ၣ်ၡူးအတၢ်သံန့ၣ် အခီပညီတအိၣ်လၢအဂီၢ်ဘၣ်. နဆိကမိၣ်ဒ်လဲၣ်. ယ့ၣ်ၡူးအတၢ်သံဒီး အတၢ်ဂဲၤဆၢထၢၣ်သမူထီၣ်က့ၤန့ၣ် အဘျုးအိၣ်လၢပဂီၢ်ဧါ. [အိၣ်ခိးတၢ်စံးဆၢ] ဘၣ်ဃးဒီးတၢ်ဂ့ၢ်အံၤန့ၣ် လံာ်စီဆှံစံးဝဲဒ်အံၤလီၤ. [ဖး ၁ ကရံၣ်သူး ၁၅:၂၂, ၂၆] မဲးကစံအံၤပာ်ဖျါန့ၢ်ပှၤလၢ ယ့ၣ်ၡူးအတၢ်ဟ့ၣ်လုၢ်ထီၣ်အသးအဃိ မုၢ်ကအိၣ်ဝဲတနံၤလၢပှၤဟီၣ်ခိၣ်ဖိတဖၣ် တသံဘၣ်နီတဘျီလၢၤဘၣ်န့ၣ်လီၤ.”

နိုးလော့! လါမၢ်ၡး

“ပဟဲအိၣ်သကိးနၤလၢ ပကဟ့ၣ်နၤမဲးကစံ နိုးလော့! (Awake!) လၢပှၤထုးထီၣ်အီၤလၢ တလါအံၤအဂီၢ်န့ၣ်လီၤ. [ဒုးနဲၣ်အီၤ မဲးကစံအကုခိၣ်တက့ၢ်.] ဘၣ်ဃးဒီးတၢ်သံကွၢ်လၢ ‘ဘုရားသခင်ၡိသလား’ န့ၣ်ပှၤကိးဂၤဒဲးအိၣ်ဒီး အနီၢ်ကစၢ်အတၢ်ထံၣ်လီၤ. ပှၤလၢအိၣ်ဒီးတၢ်ထံၣ်လၢအဂ့ၤကတၢၢ် ဘၣ်ဃးဒီးခါဆူညါန့ၣ် နဆိကမိၣ်လၢကမ့ၢ်မတၤတဖၣ်လဲၣ်. ပှၤလၢအနာ်ကစၢ်ယွၤဧါ မ့တမ့ၢ်ပှၤလၢအတနာ် ကစၢ်ယွၤလဲၣ်. [အိၣ်ခိးတၢ်စံးဆၢတက့ၢ်.] ယွၤအတၢ်စံးပာ်လၢ ဒုးအိၣ်ထီၣ်ဝဲပှၤကညီတဖၣ်အတၢ်မုၢ်လၢ်န့ၣ် ပဖးဘၣ်ဒ်အံၤလီၤ. [ဖး စံးထီၣ်ပတြၢၤ ၃၇:၁၀, ၁၁ တက့ၢ်] ကစၢ်ယွၤအိၣ်ဧါ, တအိၣ်ဧါန့ၣ်ပသမံသမိးကွၢ်ကသ့အဂီၢ် မဲးကစံအံၤပာ်ဖျါန့ၢ်ပှၤတၢ်ဂ့ၢ်လွံၢ်မံၤန့ၣ်လီၤ.”