တၢ်သံကွၢ်လၢ တၢ်လွံၢ်နၢၣ်အပူၤ
◼ ပကြၢးပတုာ်တၢ်မၤလိလံာ်စီဆှံဒီး ပပှၤမၤလိလံာ်စီဆှံဖိအဆၢကတီၢ်ဖဲလဲၣ်.
ပပှၤမၤလိ လံာ်စီဆှံဖိတဂၤ အတၢ်လဲၤထီၣ်လဲၤထီလၢ နီၢ်သးတခီ မ့ၢ်တအိၣ်လၢၤဘၣ်န့ၣ် ဘၣ်သ့ၣ်သ့ၣ် နကဘၣ် မၤပတုာ်ကွံာ် တၢ်မၤလိလံာ်စီဆှံဒီးအီၤလၢ တၢ်အဲၣ်တၢ်ကွံအပူၤန့ၣ်လီၤ. (မး. ၁၀:၁၁) သမံသမိးကွၢ်တၢ်ဂ့ၢ်တဖၣ်အံၤတက့ၢ်– ဖဲဆၢကတီၢ်ဘၣ်လၢ ကမၤလိလံာ်စီဆှံအခါ အဝဲအိၣ်ခိးဝဲ လၢကမၤလိလံာ်စီဆှံအဂီၢ်ဧါ. တၢ်မၤလိလၢ ကမၤလိဝဲန့ၣ် မ့ၢ်အဝဲကတဲာ်ကတီၤပာ်စၢၤဝဲဧါ. မ့ၢ်အဝဲဟဲထီၣ် တၢ်အိၣ်ဖှိၣ်ရိဖှိၣ် တဘျီဘျီဧါ. တၢ်လၢအမၤလိဘၣ်ဝဲန့ၣ် မ့ၢ်အတဲဘၣ်ပှၤဂၤစ့ၢ်ကီးဧါ. မ့ၢ်အဝဲဂုာ်ကျဲးစၢးဆီတလဲ အတၢ်အိၣ်မူ ဒ်သိးကလီၤပလိာ်ဒီး လံာ်စီဆှံတၢ်သိၣ်တၢ်သီမိၢ်ပှၢ်တဖၣ်န့ၣ်ဧါ. ဘၣ်ဆၣ် ပကြၢးနၢ်ပၢၢ်လၢ ပှၤအသးနံၣ်ဒီး တၢ်သ့တၢ်ဘၣ်တဒ်သိးလိာ်သးဘၣ်အဃိ ပှၤတဂၤစုာ်စုာ်အတၢ်ဒိၣ်ထီၣ်ထီထီၣ်လၢ နီၢ်သးတခီစ့ၢ်ကီး ကလီၤဆီလိာ်အသးန့ၣ်လီၤ. ပမ့ၢ်ပာ်ပတုာ်ကွံာ် တၢ်မၤလိလံာ်စီဆှံသနာ်က့ ဒုးသ့ၣ်ညါအီၤလၢ အဝဲမ့ၢ်အဲၣ်ဒိး မၤလိကဒီးလံာ်စီဆှံန့ၣ် နအိၣ်ကတဲာ်ကတီၤ နသးလၢ နကမၤစၢၤအီၤန့ၣ်တက့ၢ်.—၁ တံၤ. ၂:၄.