မ့ၢ်နသူ JW Library ဧါ

JW Library န့ၣ်မ့ၢ် app (Software Application) လၢပဟံးန့ၢ်ကလီအီၤသ့လီၤ. ဒ်သိးနဒီလိး လံာ်စီဆှံ, လံာ်လဲၢ်အဂၤတဖၣ်, တၢ်ဂီၤမူ ဒီးတၢ်ဖီၣ်ဃာ်တၢ်ကလုၢ် လၢနလီတဲစိ, ထဲးဘလဲး မ့တမ့ၢ် ခီၣ်ဖၠူထၢၣ်အပူၤ ကန့ၢ်အဂီၢ် JW Library လိၣ်ဝဲလီၤ.

ပမၤန့ၢ်အီၤကသ့ဒ်လဲၣ်– အိးထီၣ် အ့ထၢၣ်နဲး ဝံၤဒီးဟံးန့ၢ် JW Library လၢ app store အပူၤတက့ၢ်. လၢလီတဲစိ ဒီးထဲးဘလဲး အကလုာ်ကလုာ်န့ၣ် ပထၢနုာ် app store အံၤသ့ဝဲလီၤ. ဖဲနသူ အ့ထၢၣ်နဲးအခါ, နအိးထီၣ် app ဒီး ဒီလိး တၢ်လၢနအဲၣ်ဒိး ဒီလိးအီၤတဖၣ်လၢ လီတဲစိ မ့တမ့ၢ် ထဲးဘလဲးအပူၤသ့လီၤ. လၢနဟံၣ်နသူ အ့ထၢၣ်နဲး မ့ၢ်တသ့ဘၣ်န့ၣ်, ဘၣ်သ့ၣ်သ့ၣ် လၢဘီမုၢ်ဘျီၣ်ဒိၣ်, လံာ်ရိဒၢးအလီၢ် မ့တမ့ၢ် အ့ထၢၣ်နဲးကျးန့ၣ် နလဲၤသူအီၤသ့ဝဲန့ၣ်လီၤ. နမ့ၢ်ဒီလိးလံာ်လဲၢ်တဖၣ်လၢ နလီတဲစိ မ့တမ့ၢ် နထဲးဘလဲးအပူၤန့ၣ် လၢခံနတလိၣ်အိးထီၣ် အ့ထၢၣ်နဲး ဒ်သိးနကဖးအီၤအဂီၢ်ဘၣ်. ဘၣ်ဆၣ် JW Library န့ၣ်ဘၣ်တၢ်မၤသီထီၣ်က့ၤအီၤထီဘိအဃိ တဘျီတခီၣ် နကြၢးသူအ့ထၢၣ်နဲး လၢကဒီလိးက့ၤအီၤလၢ အသီတဘျီလီၤ.

ဘၣ်မနုၤအဃိ ပကဘၣ်ဒီလိးအီၤလဲၣ်. တၢ်လၢ JW Library န့ၣ် မၤစၢၤပှၤဒ်သိးပမၤ ပနီၢ်ကစၢ်တၢ်မၤလိလံာ်စီဆှံ ဒီးဃုကွၢ်လံာ်လဲၢ်လၢ တၢ်အိၣ်ဖှိၣ်ရိဖှိၣ် ကညီဝဲအဂီၢ်လီၤ. နသူအီၤသ့စ့ၢ်ကီးလၢ တၢ်စံၣ်တဲၤတဲလီၤ တၢ်မၤအပူၤ, လီၤဆီဒၣ်တၢ် ဖဲပစံၣ်တဲၤတဲလီၤတၢ် တပူၤလၢ်လၢ်အခါန့ၣ်လီၤ.