တၢ်အဒိလၢ တၢ်နီၤလီၤလံာ်လဲၢ်အဂီၢ်

တၢးထီခိးတၢ်

တၢ်သံကွၢ်– တဘျီတခီၣ် ပဝဲခဲလၢာ် ပသးအဂံၢ်အဘါလီၤစၢ်အဃိ ဒ်သိးပသးကမုာ်ထီၣ်အဂီၢ် ပဃုထံၣ်န့ၢ်တၢ်မၤစၢၤကသ့ဖဲလဲၣ်.

လံာ်စီဆှံအဆၢ– ၂ ကရံၣ်. ၁:၃, ၄

တၢ်ဟ့ၣ်ကူၣ်– တၢးထီခိးတၢ်တဘ့ၣ်အံၤ ပာ်ဖျါထီၣ်ဝဲ ကစၢ်ယွၤကမၤမုာ်ထီၣ်ပသးဒ်လဲၣ် အဂ့ၢ်န့ၣ်လီၤ.

သိၣ်လိတၢ်မ့ၢ်တၢ်တီတက့ၢ်

တၢ်သံကွၢ်– ဖဲပသံအခါ တၢ်ကမၤအသးဒီးပှၤဒ်လဲၣ်

လံာ်စီဆှံအဆၢ– ယိၤ. ၁၁:၁၁–၁၄

တၢ်မ့ၢ်တၢ်တီ– ဖဲပှၤတဂၤသံအခါန့ၣ်, အတၢ်အိၣ်မူကတၢၢ်ကွံာ်ဝဲလီၤ. လၢတၢ်န့ၣ်အဃိ တလိၣ်ပပျံၤအီၤဘၣ်. ယ့ၣ်ၡူးထိၣ်သတြီၤဝဲ တၢ်သံလၢ တၢ်မံလီၤ. ဒ်ယ့ၣ်ၡူး မၤသမူထီၣ်က့ၤဝဲ စီၤလါစရူးအသိး အဝဲကမၤသမူထီၣ်က့ၤ ပှၤသံလၢပအဲၣ်ဘၣ်အီၤတဖၣ် ဒ်သိးအဝဲသ့ၣ်ကအိၣ်မူဘၣ်က့ၤဝဲလၢဟီၣ်ခိၣ် အသီတဘျီလီၤ.—ဘး. ၁၄:၁၄.

တၢ်အိၣ်ဖှိၣ်ရိဖှိၣ် အလံာ်ကွဲမုာ် (inv)

တၢ်ဟ့ၣ်ကူၣ်– ယအဲၣ်ဒိးကွဲမုာ်နၤလၢ နကဟဲဒိကနၣ် တၢ်စံၣ်တဲၤတဲလီၤတၢ်လၢ ဘၣ်ဃးဒီး ယွၤအကလုၢ်ကထါလီၤ. တၢ်စံၣ်တဲၤတဲလီၤတၢ်အံၤ ပှၤကဟ့ၣ်အီၤဖဲ ဘီမုၢ်ဘျီၣ်ဒိၣ်, တၢ်လီၢ်လၢပဘူၣ်ထီၣ်ဘါထီၣ်တၢ် အလီၢ်လီၤ. [နီၤလီၤ တၢ်အိၣ်ဖှိၣ်ရိဖှိၣ် အလံာ်ကွဲမုာ်, ပၠးအီၤတၢ်ဆၢကတီၢ်ဒီး တၢ်လီၢ်လၢပမၤတၢ်အိၣ်ဖှိၣ်ရိဖှိၣ် ဒီးတဲဘၣ်အီၤ တၢ်စံၣ်တဲၤတဲလီၤတၢ်လၢ ကမျၢၢ်အဂီၢ် အခိၣ်တီတက့ၢ်.]

တၢ်သံကွၢ်– နလဲၤဘၣ်လၢ ဘီမုၢ်ဘျီၣ်ဒိၣ် တဘျီဘျီဧါ. [မ့ၢ်သ့န့ၣ် အိးထီၣ်ပၠး တၢ်ဂီၤမူလၢအမ့ၢ် ဖဲဘီမုၢ်ဘျီၣ်ဒိၣ်န့ၣ် ပှၤမၤတၢ်မနုၤလဲၣ် န့ၣ်တက့ၢ်.]

ကွဲးလီၤလၢ နနီၢ်ကစၢ်အတၢ်ကတိၤတက့ၢ်

သူတၢ်အဒိတဖၣ်ဒီး ကတဲာ်ကတီၤပာ်လၢ နနီၢ်ကစၢ် အတၢ်ကတိၤလၢ ဘီမုၢ်တၢ်သးခုကစီၣ် တၢ်မၤအဂီၢ်တက့ၢ်.