တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ကတိၤဒိ ၇–၁၁
“ဒုးလဲၤလီၤနသး . . . တဂ့ၤ”
ယဟိဝၤယွၤအတၢ်ဘျၢတဖၣ်န့ၣ် ဒီသဒၢပှၤလီၤ. ဒ်သိးပကဒိးန့ၢ်ဘၣ် တၢ်အဘျုးအဂီၢ် ပကဘၣ်ပာ်လုၢ်ပာ်ပှ့ၤ တၢ်ဘျၢတဖၣ်အံၤလၢပသးပူၤလီၤ. (ကတိၤ. ၇:၃) ယဟိဝၤယွၤအခ့အပှၤတဂၤ မ့ၢ်ဟ့ၣ်အခွဲးလၢ အသးကဃၣ်ကပၤကွံာ်လၢ ကစၢ်ယွၤအတၢ်ဘျၢတဖၣ်န့ၣ် အဝဲကလီၤဘၣ်လၢ မုၣ်ကီၤလံၢ်အတၢ်လံၣ်တၢ်လီ အပျံၤသကွီၤပူၤလီၤ. ကတိၤဒိအဆၢဒိၣ် ၇ ပာ်ဖျါထီၣ်ဝဲ တၢ်ဂ့ၢ်လၢဘၣ်ဃးဒီး ပှၤသးစၢ်တဂၤလၢ အလီလီၤအသးန့ၣ်လီၤ. ပကမၤလိန့ၢ်တၢ်မနုၤလၢ ပှၤတဂၤအံၤအအိၣ်လဲၣ်.
မုၣ်ကီၤလံၢ်ထုးယံၤထီၣ်ပှၤဒီး ယဟိဝၤယွၤ ခီဖျိသူဝဲ တၢ်ယဲၢ်မံၤအံၤ ဒ်သိးပကမၤကမၣ်တၢ်အဂီၢ်
တၢ်ကူၣ်သ့ဒီးတၢ်သ့ၣ်ညါ ကမၤစၢၤပှၤဒ်သိးပကနၢ်ပၢၢ် တၢ်မၤကမၣ်တၢ်န့ၣ်ကမၤဘၣ်ဒိပှၤလၢ နီၢ်သးတခီဒီး ကမၤစၢၤပှၤဒ်သိး ပသုတမၤကမၣ်တၢ်တဂ့ၤအဂီၢ်