ပှၤစံၣ်တဲၤတဲလီၤ တၢ်သးခုကစီၣ်လၢ ကီၢ်ကၣ်နၣ်
တၢ်အဒိလၢ တၢ်နီၤလီၤလံာ်လဲၢ်အဂီၢ်
တၢးထီခိးတၢ်
တၢ်သံကွၢ်– မုၢ်မဆါတနံၤအံၤ မ့ၢ်လံာ်စီဆှံကဲဘျုးလၢ ပဂီၢ်ဒံးဧါ မ့တမ့ၢ် တကဲဘျုးလၢပဂီၢ်လၢၤဘၣ်ဧါ. မ့မ့ၢ်နၤန့ၣ် နဆိကမိၣ်ဒ်လဲၣ်.
လံာ်စီဆှံအဆၢ– ၂ တံၤ. ၃:၁၆, ၁၇
တၢ်ဟ့ၣ်ကူၣ်– တၢးထီခိးတၢ် တဘ့ၣ်အံၤ တဲဖျါထီၣ်ဝဲ လံာ်စီဆှံအတၢ်ဟ့ၣ်ကူၣ် ကဲဘျုးလၢပဂီၢ်ဒ်လဲၣ် ဒီးဒ်သိး ပတၢ်ဖးလံာ်စီဆှံ ကကဲဘျုးအဒိၣ်ကတၢၢ်လၢပဂီၢ် ပကဘၣ်မၤအီၤဒ်လဲၣ်အဂ့ၢ်န့ၣ်လီၤ.
သိၣ်လိတၢ်မ့ၢ်တၢ်တီတက့ၢ်
တၢ်သံကွၢ်– မ့ၢ်ဟီၣ်ခိၣ် အကတၢၢ်ဘူးထီၣ်လံဧါ.
တၢ်မ့ၢ်တၢ်တီ– ဝံအတၢ်စံးပာ်တဖၣ် ပာ်ဖျါထီၣ်ဝဲလၢ ပအိၣ်မူဘၣ်လၢ မုၢ်နံၤခံကတၢၢ်လီၤ. ဘၣ်ဆၣ် တၢ်အံၤမ့ၢ်တၢ်သးခုကစီၣ်လၢ ပဂီၢ်လီၤ. မ့ၢ်လၢ ခါဆူညါ ဟီၣ်ခိၣ်တၢ်အိၣ်သးလၢအဂ့ၤ ကအိၣ်ထီၣ်ဝဲအဃိလီၤ.
နအိၣ်ဒီးဟံၣ်မုာ်ဃီပၢၤ ကသ့ဒ်လဲၣ်
တၢ်သံကွၢ်– နဆိကမိၣ်လၢ တၢ်ဟ့ၣ်ကူၣ်တခါအံၤ ကမၤစၢၤနၤလၢ နပၢၤဃာ်တၢ်ဃူတၢ်ဖိးဒီး နဘူးနတံၢ်ကသ့ဧါ.
လံာ်စီဆှံအဆၢ– အ့း. ၄:၂.
တၢ်ဟ့ၣ်ကူၣ်– လံာ်တဘ့ၣ်အံၤပၣ်ဃုာ်ဒီး လံာ်စီဆှံအတၢ်ဟ့ၣ်ကူၣ်လၢ ပကဘၣ်သုးကျဲၤ တၢ်ကီတၢ်ခဲတဖၣ်ဒီး ပဘူးပတံၢ်ဒ်လဲၣ်န့ၣ်လီၤ. [ပာ်ဖျါထီၣ် တၢ်နီၤဖး ၅ ကဘျံးပၤ ၁၅ တက့ၢ်.]
ကွဲးလီၤလၢ နနီၢ်ကစၢ်အတၢ်ကတိၤတက့ၢ်
သူတၢ်အဒိတဖၣ်ဒီး ကတဲာ်ကတီၤပာ်လၢ နနီၢ်ကစၢ် အတၢ်ကတိၤလၢ ဘီမုၢ်တၢ်သးခုကစီၣ် တၢ်မၤအဂီၢ်တက့ၢ်.