တၢ်အဒိလၢ တၢ်နီၤလီၤလံာ်လဲၢ်အဂီၢ်

တၢ်သံကွၢ်– ပမ့ၢ်ဟ့ၣ်မၤစၢၤတၢ် မ့တမ့ၢ် ပမ့ၢ်ဟ့ၣ်ပှၤဂၤ တၢ်ဟ့ၣ်တခါခါန့ၣ်​ အဘျုးအိၣ်လၢ ပတၢ်အိၣ်ဆူၣ်အိၣ်ချ့အဂီၢ်ဒ်လဲၣ်န့ၣ်​ မ့ၢ်နသ့ၣ်ညါဧါ.

လံာ်စီဆှံအဆၢ– ၂ ကရံၣ်. ၉:၇

တၢ်ဟ့ၣ်ကူၣ်– [ပၠးအီၤလံာ်ကဘျံးပၤ ၁၃ တက့ၢ်.] တၢးထီခိးတၢ်တဘ့ၣ်အံၤ ပာ်ဖျါထီၣ်ဝဲလၢ ပှၤကိးဂၤဒဲး ဒိးန့ၢ်ဘၣ်​ တၢ်သးခုသ့ ခီဖျိ ‘အဟ့ၣ်တၢ်လၢတၢ်သးခုအပူၤ’ အဃိလီၤ.

တၢ်သံကွၢ်– ခါဆူညါ တၢ်ကမၤအသးဒ်လဲၣ်န့ၣ်​ နဆိကမိၣ်လၢ ပသ့ၣ်ညါအီၤ ကသ့ဧါ.

လံာ်စီဆှံအဆၢ– ၡါ. ၄၆:၁၀

တၢ်မ့ၢ်တၢ်တီ– ခါဆူညါ တၢ်ကမၤအသးဒ်လဲၣ်န့ၣ်​ ယဟိဝၤယွၤ ပာ်ဖျါထီၣ်ဝဲလၢ အကလုၢ်ကထါ လံာ်စီဆှံအပူၤလီၤ.

တၢ်ကတိၤအိးထီၣ်– ပဟးပၠးတၢ်ဂီၤမူဖုၣ်ကိာ်လၢ အဘၣ်ဃးဒီး ဟံၣ်ဖိဃီဖိ. [အိးထီၣ်ပၠး တၢ်ဂီၤမူလၢအမ့ၢ် တၢ်ကတိၤအိးထီၣ်​ တၢ်ဂီၤမူလၢ နအိၣ်ဒီးဟံၣ်မုာ်ဃီပၢၤ ကသ့ဒ်လဲၣ်​ တက့ၢ်.]

တၢ်ဟ့ၣ်ကူၣ်– နမ့ၢ်အဲၣ်ဒိးဖး လံာ်တဘ့ၣ်အံၤလၢ တၢ်ဂီၤမူအပူၤပာ်ဖျါဝဲအံၤန့ၣ်​ ယကဟ့ၣ်တ့ၢ်နၤ မ့တမ့ၢ် ယကပၠးနၤ ပဘၣ်ဒီလိးလံာ်အံၤလၢ website အပူၤဒ်လဲၣ်.