အိၣ်မူဒ် ခရံာ်ဖိအသိး
တၢ်မၤဂ့ၤထီၣ် ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ—တၢ်က့ၤအိၣ်သကိးဟံၣ်ကစၢ်
ဘၣ်မနုၤအဃိ အရ့ဒိၣ်လဲၣ်– ပှၤအါဂၤလၢ အပာ်ဖျါထီၣ်တၢ်သးအိၣ် ဘီမုၢ်တၢ်သးခုကစီၣ်တဖၣ်န့ၣ် သးအိၣ် ဃုသ့ၣ်ညါဝဲတၢ်မ့ၢ်တၢ်တီလၢ ဘၣ်ဃးဒီးကစၢ်ယွၤလီၤ. (ၡါ. ၅၅:၆) ဒ်သိးအဝဲသ့ၣ် ကလဲၤထီၣ်လဲၤထီလၢနီၢ်သးအဂီၢ် ပကဘၣ်က့ၤအိၣ်သကိးက့ၤ အဝဲသ့ၣ် တဘျီဝံၤတဘျီလီၤ. ပှၤတဂၤစုာ်စုာ်န့ၣ် အတၢ်အိၣ်သး လီၤဆီလိာ်အသးအဃိ ကျဲလၢပကမၤစၢၤအဝဲသ့ၣ်န့ၣ် ကလီၤဆီဝဲလီၤ. ဘၣ်ဆၣ် ဖဲပက့ၤအိၣ်သကိးအဝဲသ့ၣ် တဘျီလၢ်လၢ်အခါန့ၣ် ပမ့ၢ်ကတဲာ်ကတီၤပာ်စၢၤပသးဂ့ၤဂ့ၤန့ၣ် ကကဲဘျုးဝဲဒိၣ်မးလီၤ. ဒီးထီဘိန့ၣ် ပကပာ်လီၤဖီတၢၣ်လၢ ပကစးထီၣ်တၢ်မၤလိလံာ်စီဆှံလီၤ.
ပမၤကသ့ဒ်လဲၣ်–
ဂုာ်ကျဲးစၢးက့ၤအိၣ်သကိးက့ၤ ဟံၣ်ကစၢ်လၢ စှၤသီအတီၢ်ပူၤတက့ၢ်.—မး. ၁၃:၁၉
ရ့ဒီးအီၤဂ့ၤဂ့ၤဒီး ပာ်ဖျါထီၣ်တၢ်ယူးယီၣ်ပာ်ကဲ. တဘၣ် သူၣ်ကိၢ်သးဂီၤတဂ့ၤ
ပာ်ဖျါထီၣ်တၢ်မဲာ်မုာ်နါဆၢ ဒီးဆၢဂ့ၤဆၢဝါအီၤ. မ့ၢ်သ့န့ၣ် သူဟံၣ်ကစၢ်အမံၤ. ဒီးတဲဘၣ်အီၤလၢ ဘၣ်မနုၤအဃိ နဟဲက့ၤကဒါက့ၤလဲၣ်— ဘၣ်သ့ၣ်သ့ၣ် နကတဲဘၣ်အီၤလၢ နဟဲက့ၤစံးဆၢက့ၤတၢ်သံကွၢ်လၢ နသံကွၢ်တ့ၢ်အီၤလၢအပူၤကွံာ်တဘျီ, နဟဲစိာ်န့ၢ်အီၤ မဲးကစံလၢ ပှၤထုးထီၣ်အီၤအသီ, နအဲၣ်ဒိးပၠးအီၤ ပဝဲးဆး, တၢ်ဂီၤမူ မ့တမ့ၢ် ဒုးနဲၣ်ပၠးအီၤဘၣ်ဃးဒီး ပတၢ်မၤလိလံာ်စီဆှံန့ၣ်ပမၤအီၤဒ်လဲၣ်. ဘၣ်ဆၣ် ဟံၣ်ကစၢ်မ့ၢ်အဲၣ်ဒိးသ့ၣ်ညါ တၢ်ဂ့ၢ်အဂၤလၢလံာ်စီဆှံအပူၤန့ၣ် ဆီတလဲ တၢ်ဂ့ၢ်တၢ်ကျိၤလၢ နကတဲအီၤတက့ၢ်. —ဖံလံး. ၂:၄
တၢ်မ့ၢ်တၢ်တီအချံလၢ အသူၣ်လီၤအသးလၢ ဟံၣ်ကစၢ်အသးပူၤန့ၣ် လူအီၤလၢထံခီဖျိ ဒုးနဲၣ်ပၠးအီၤ လံာ်စီဆှံအဆၢတဖၣ် မ့တမ့ၢ် ဟ့ၣ်တ့ၢ်အီၤလံာ်လဲၢ်တဖၣ်. (၁ ကရံၣ်. ၃:၆) ဂုာ်ကျဲးစၢးနၢ်ပၢၢ်စၢၤအဝဲသ့ၣ် အတၢ်အိၣ်သးတက့ၢ်
ဒုးအိၣ်ထီၣ် တၢ်ခွဲးတၢ်ယာ်လၢ နကက့ၤအိၣ်သကိး ဟံၣ်ကစၢ်န့ၣ်တက့ၢ်