တၢ်မၤလိလၢ လံာ်ယိၤနါအပူၤ

လၢလံာ်စီဆှံပူၤန့ၣ်​ ယဟိဝၤယွၤပာ်ဖျါထီၣ်ဝဲ ပိာ်မုၣ်ဒီးပိာ်ခွါလၢအတီတဖၣ်​ အဂ့ၢ်အကျိၤဒ်သိး ကသိၣ်လိပှၤဘၣ်ဃးဒီး တၢ်ဂ့ၢ်လၢအရ့ဒိၣ်တဖၣ်လီၤ. (ရိ ၁၅:၄) ဘၣ်ဃးဒီးလံာ်ယိၤနါန့ၣ်​ နမၤလိန့ၢ်တၢ်ဂ့ၢ်မနုၤလဲၣ်. ကွၢ်တၢ်ဂီၤမူလၢအမ့ၢ် ဟံၣ်ဖိဃီဖိ တၢ်မၤလိလံာ်စီဆှံ- ယိၤနါ—ဟံးန့ၢ်တၢ်မၤလိ ဘၣ်ဃးဒီး ယဟိဝၤယွၤ အတၢ်သးကညီၤ, ဝံၤဒီးစံးဆၢက့ၤ တၢ်သံကွၢ်လၢလာ်တဖၣ်–

• ပှၤစံၣ်တဲၤတဲလီၤတၢ်ဖိသၢဂၤ လၢတၢ်ဂီၤမူအံၤအပူၤန့ၣ်​ ထံၣ်ဘၣ်ဒီး တၢ်ကီတၢ်ခဲမနုၤတဖၣ်လဲၣ်.

• ဖဲပှၤသိၣ်က့ၤသီက့ၤပှၤအခါ မ့တမ့ၢ် ဖဲပဘၣ်တၢ်ပာ်ကတီၢ် ကွံာ်ပမူဒါအခါ ပဟံးန့ၢ်တၢ်မၤလိလၢ လံာ်ယိၤနါအပူၤသ့ဒ်လဲၣ်. (၁ မူၤ. ၁၆:၇; နါ. ၃:၁, ၂)

• ဒ်သိးပကအိၣ်ဒီး တၢ်ထံၣ်လၢအဂ့ၤ လၢပတၢ်စံၣ်တဲၤတဲလီၤတၢ် ဟီၣ်ကဝီၤအဖီခိၣ်အဂီၢ် စီၤယိၤနါအဂ့ၢ်န့ၣ်ကဲထီၣ်တၢ်မၤစၢၤဒ်လဲၣ်. (နါ. ၄:၁၁; မး. ၅:၇)

• ပမ့ၢ်တူၢ်ဘၣ်​ တၢ်ဆါယံာ်ယံာ်ထၢထၢန့ၣ်​ စီၤယိၤနါ အတၢ်လဲၤခီဖျိ ကဲထီၣ်တၢ်ဂံၢ်တၢ်ဘါ လၢပဂီၢ်ဒ်လဲၣ်. (နါ. ၂:၁, ၂, ၇, ၉)

• လၢတၢ်ဂီၤမူအံၤအပူၤ ဘၣ်ဃးဒီးတၢ်ပာ်လုၢ်ပာ်ပှ့ၤ တၢ်ဖးလံာ်စီဆှံဒီး တၢ်ဆိကမိၣ်ထံက့ၤတၢ်လၢပဖးအီၤန့ၣ်​ နမၤလိန့ၢ်တၢ်မနုၤလဲၣ်.