တၢ်စံၣ်တဲၤတဲလီၤတၢ် ဒီးတၢ်သိၣ်လိ မ့ၢ်ကျဲအရ့ဒိၣ်ကတၢၢ်လၢ ပကဒုးကဲထီၣ်ပှၤလၢ ခရံာ်အပျဲၢ်အဘီၣ်

ယ့ၣ်ၡူးမၤလိာ်ဝဲ အပျဲၢ်အဘီၣ်တဖၣ်လၢ ကလဲၤဒုးကဲထီၣ်ပှၤဂၤလၢ အပျဲၢ်အဘီၣ်. (မး. ၂၈:၁၉) လၢတၢ်န့ၣ်အဃိ ပကဘၣ်​ စံၣ်တဲၤတဲလီၤတၢ်ဒီး သိၣ်လိနဲၣ်လိတၢ်လီၤ. တဘျီတခီၣ်​ ပကြၢးသံကွၢ်လီၤပသးလၢ ‘ဒ်သိး ယကလဲၤဒုးကဲထီၣ်ပှၤလၢ ခရံာ်အပျဲၢ်အဘီၣ်အဂီၢ် ယမၤဂ့ၤထီၣ်​ ယတၢ်စံၣ်တဲၤတဲလီၤတၢ်ဒီး တၢ်သိၣ်လိတၢ်အကျိၤအကျဲကသ့ဒ်လဲၣ်.’

တၢ်စံၣ်တဲၤတဲလီၤတၢ်

ပတဘၣ်အိၣ်ခိး လၢပှၤကဟဲလၢ ပအိၣ်ဘၣ်. ပကဘၣ်ကျဲးစၢးဃု “ပှၤလၢအကြၢးဝဲဘၣ်ဝဲ” လီၤ. (မး. ၁၀:၁၁, ခ့ခါစှီၤကျိာ်) ဖဲပဟးစံၣ်တဲၤတဲလီၤတၢ်အခါ မ့ၢ်ပဂုာ်ကျဲးစၢးဒုးအိၣ်ထီၣ်​ တၢ်ခွဲးတၢ်ယာ်လၢ ပကတဲဘၣ်​ “ပှၤလၢအဟဲဘၣ်သဃိာ်” ဒီးပှၤတဖၣ်ဧါ. (မၤတၢ်. ၁၇:၁၇) မ့ၢ်လၢ စီၤပီလူးစံၣ်တဲၤတဲလီၤတၢ်လၢ တၢ်သူၣ်ဆူၣ်သးဆူၣ်အပူၤအဃိ နီၢ်လူၤဒံကဲထီၣ်ဝဲဒၣ်​ ခရံာ်အပျဲၢ်အဘီၣ်လီၤ.—မၤတၢ်. ၁၆:၁၃-၁၅.

ကွၢ်တၢ်ဂီၤမူလၢအမ့ၢ် “တဆိတ့ၢ်ဘၣ်ဒီး” ဆဲးစံၣ်တဲၤတဲလီၤတၢ်—တၢ်စံၣ်တဲၤတဲလီၤတၢ်တပူၤလၢ်လၢ်, တဟံၣ်ဘၣ်တဟံၣ်, ဝံၤဒီးစံးဆၢတၢ်သံကွၢ်လၢ လာ်တဖၣ်အံၤ–

• တနံၤဘၣ်တနံၤန့ၣ်​ စဲမၠိၤ အနီၢ်သးတၢ်ဖံးတၢ်မၤတဖၣ်န့ၣ်​ ပာ်ဖျါထီၣ်ဝဲလၢ အဝဲသူၣ်လီၤတၢ်မ့ၢ်တၢ်တီအချံ လၢကျဲဒ်လဲၣ်.

• ဘၣ်မနုၤအဃိ ပကဘၣ်​ မၤဝဲတၢ်စံၣ်တဲၤတဲလီၤတၢ် အကျိၤအကျဲကိးမံၤဒဲးလဲၣ်.

• မ့ၢ်နအဲၣ်ဒိးလဲၤ စံၣ်တဲၤတဲလီၤတၢ်လၢ မတၤသ့ၣ်တဖၣ်အအိၣ်လဲၣ်.

တၢ်သိၣ်လိ

ဒ်သိးပကဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်အဂီၢ် တမ့ၢ်ထဲပကဘၣ်နီၤလီၤလံာ်တခါဘၣ်. ပကဘၣ်မၤစၢၤအဝဲသ့ၣ်လၢ ကလဲၤထီၣ်လဲၤထီလၢ နီၢ်သးတခီ. ပကဘၣ်က့ၤကဒါက့ၤလၢ အဝဲသ့ၣ်အအိၣ်ဒီး စးထီၣ်မၤလိလံာ်စီဆှံဒီးအဝဲသ့ၣ်လီၤ. (၁ ကရံၣ်. ၃:၆-၉) ပမ့ၢ်ဂုာ်ကျဲးစၢးသနာ်က့ ပှၤမ့ၢ်တဒိကနၣ်ပှၤအါအါဘၣ်န့ၣ်​ ပကမၤဒ်လဲၣ်. (မး. ၁၃:၁၉-၂၂) ပကဘၣ်ဆဲး ဃုပှၤအဂၤလၢ အသးလီၤဂာ်ဒီး “ဟီၣ်ခိၣ်ဂ့ၤ” တဖၣ်လီၤ.—မး. ၁၃:၂၃; မၤတၢ်. ၁၃:၄၈.

ကွၢ်တၢ်ဂီၤမူလၢအမ့ၢ် “တဆိတ့ၢ်ဘၣ်ဒီး” ဆဲးစံၣ်တဲၤတဲလီၤတၢ်—ကမျၢၢ်အမဲာ်ညါ ဒီး လဲၤဒုးကဲထီၣ်ပှၤလၢ ခရံာ်အပျဲၢ်အဘီၣ်, ဝံၤဒီးစံးဆၢတၢ်သံကွၢ်လၢ လာ်တဖၣ်အံၤတက့ၢ်–

• တၢ်မ့ၢ်တၢ်တီအချံ လၢ အံစံၤခံၤယိၤ ဒီး အဘံၤကဲ(လ်) အသးပူၤန့ၣ်​ စီလိၤမိၤ ဒီး မဲၤရံၤ လူဝဲအထံလၢကျဲဒ်လဲၣ်.

• ပတၢ်တိာ်ပာ်လၢ တၢ်စံၣ်တဲၤတဲလီၤတၢ်အကျိၤအကျဲခဲလၢာ် ဃုာ်ဒီးကမျၢၢ်တၢ်စံၣ်တဲၤတဲလီၤန့ၣ်​ ကြၢးအိၣ်ဒ်လဲၣ်.

• ပကသိၣ်လိပှၤဂၤလၢ တၢ်မ့ၢ်တၢ်တီအဂီၢ် ပကဘၣ်​ ဂုာ်ကျဲးစၢးအါထီၣ်လၢကျဲဒ်လဲၣ်.