တၢ်မၤလိလၢ တၢ်အဒိဘၣ်ဃး စ့ဆံဆဲၣ်မနါ

၁၉:၁၂-၂၄

ပှၤလၢအပၣ်ဃုာ်လၢ တၢ်အဒိပူၤတဖၣ်န့ၣ်​ ဒိလီၤဝဲမတၤတဖၣ်လဲၣ်.

1. ၁. ပဒိၣ်တဂၤန့ၣ်​ ဒိလီၤဝဲ ယ့ၣ်ၡူး

2. ၂. အခ့အပှၤတဖၣ်န့ၣ်​ ဒိလီၤဝဲ ယ့ၣ်ၡူး အပျဲၢ်အဘီၣ်တဖၣ်လၢ အဘၣ်တၢ်ဒိးဖှူအီၤ

3. ၃. စ့ လၢအကစၢ် ဟ့ၣ်လီၤဝဲဆူ အခ့အပှၤတဖၣ်အအိၣ်န့ၣ်​ ဒိလီၤဝဲ တၢ်ခွဲးတၢ်ယာ်လီၤဆီလၢအမ့ၢ် တၢ်လဲၤဒုးကဲထီၣ်ပှၤဂၤလၢ ယ့ၣ်ၡူးအပျဲၢ်အဘီၣ်

လၢတၢ်အဒိအံၤအပူၤ ပထံၣ်ဘၣ်​ တၢ်ဟ့ၣ်ပလီၢ်ဘၣ်ဃး ခရံာ်အပျဲၢ်အဘီၣ်တဖၣ်လၢ ဘၣ်တၢ်ဒိးဖှူအီၤ မ့ၢ်လီၤဂာ်ဒ် အခ့အပှၤလၢအအၢတဂၤန့ၣ်​ တၢ်ကကဲထီၣ်အသးဒီးအီၤဒ်လဲၣ်န့ၣ်လီၤ. ယ့ၣ်ၡူး မုၢ်လၢ်ဝဲလၢ အပျဲၢ်အဘီၣ်တဖၣ်​ ကသူအတၢ်ဆၢကတီၢ်, အဂံၢ်အဘါ ဒီးအတၢ်စုလီၢ်ခီၣ်ခိၣ်​ လၢလၢပှဲၤပှဲၤ ဒ်သိးကမၤအါထီၣ်​ အပျဲၢ်အဘီၣ်အဂီၢ်လီၤ.

ဘၣ်ဃးဒီး တၢ်လဲၤဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်တၢ်မၤန့ၣ်​ ယကွၢ်လိမၤဒိး ခရံာ်ဖိလၢဘၣ်တၢ်ဒိးဖှူအီၤတဖၣ်ကသ့ဒ်လဲၣ်.