အိၣ်မူဒ် ခရံာ်ဖိအသိး
ဆဲးကွၢ်လၢ်သပှၢ်ပှၢ်လၢ တၢ်တူၢ်န့ၢ်ခီၣ်ကဲအပူၤ
နအိၣ်ခိးကွၢ်လၢ် ယွၤအဘီအမုၢ် ယံာ်ထဲလဲၣ်လံလဲၣ်. နအိၣ်ဒီးတၢ်ကီတၢ်ခဲသနာ်က့ နပာ်ဖျါထီၣ် တၢ်တူၢ်န့ၢ်ခီၣ်ကဲလၢ တၢ်သူၣ်စူၤသးစူၤအပူၤဧါ. (ရိ. ၈:၂၅) ခရံာ်ဖိတနီၤနီၤန့ၣ် ပှၤသးဟ့အီၤ, ပှၤမၤအီၤတတီတလိၤ, ပှၤထၢနုာ်လီၤအီၤလၢဃိၣ်ပူၤ မ့တမ့ၢ် ပှၤအဲၣ်ဒိးမၤသံအီၤဒၣ်လဲာ်လီၤ. ဒီပုၢ်ဝဲၢ်အါဂၤန့ၣ် အသးပှၢ်ထီၣ် ဒီးတူၢ်ဘၣ်တၢ်ဆူးတၢ်ဆါ ယံာ်ယံာ်ထၢထၢတဖၣ်လီၤ.
ပမ့ၢ်ကွၢ်ဆၢၣ်မဲာ်ဘၣ် တၢ်ကီတၢ်ခဲဒ်လဲၣ်ဂ့ၤ ဒ်လဲၣ်ဂ့ၤ ဒ်သိးပကအိၣ်ခိးတၢ် သပှၢ်ပှၢ်အဂီၢ် တၢ်မနုၤ ကမၤစၢၤပှၤလဲၣ်. ပကဘၣ်ဆဲး မၤဂၢၢ်ကျၢၤအါထီၣ်ပတၢ်နာ် ခီဖျိဖးလံာ်စီဆှံ ကိးနံၤဒဲး ဒီးဆိကမိၣ်ထံ တၢ်လၢပဖးအီၤတဖၣ် လီၤတံၢ်လီၤဆဲးန့ၣ်လီၤ. ပကဘၣ်သးစၢၢ်ဆၢ ပတၢ်မုၢ်လၢ်န့ၣ်လီၤ. (၂ ကရံၣ်. ၄:၁၆-၁၈; ဧ့ၤ. ၁၂:၂) ပကဘၣ်ဃ့ကညး ယဟိဝၤယွၤလၢ ပတၢ်ထုကဖၣ် ဒီးဃ့အီၤလၢကဟ့ၣ်ပှၤ အသးစီဆှံအဂီၢ်လီၤ. (လူၤ. ၁၁:၁၀, ၁၃; ဧ့ၤ. ၅:၇) ဒ်သိးပကအိၣ်ဒီး “ကယဲၢ်တၢ်ဝံသးစူၤ” ဒီးတၢ်သူၣ်ခုသးခုအဂီၢ် ပပၢ်လၢအပှဲၤဒီး တၢ်အဲၣ်တၢ်ကွံန့ၣ် မၤစၢၤပှၤသ့လီၤ.—ကလီး. ၁:၁၁.
ကွၢ်တၢ်ဂီၤမူ လၢအခိၣ်တီမ့ၢ်ဝဲ ပကဘၣ် “ဃ့ၢ်လၢ တၢ်သးစူၤ မ့တမ့ၢ် တၢ်တူၢ်န့ၢ်ခီၣ်ကဲအပူၤ”—အိၣ်ဒီးတၢ်နာ်လၢနကန့ၢ်ခိၣ်ဖး ဒီးစံးဆၢ တၢ်သံကွၢ်လၢ လာ်တဖၣ်အံၤ–
လၢပတၢ်အိၣ်မူအပူၤ “တၢ်အဆၢအကတီၢ် ဒီးတၢ်ဘၣ်အတီၤ” ကဲထီၣ်အသးသ့ဒ်လဲၣ်. (စံၣ်. ၉:၁၁)
ဖဲပထံၣ်ဘၣ်တၢ်ကီတၢ်ခဲအခါ တၢ်ထုကဖၣ် မၤစၢၤပှၤသ့ဒ်လဲၣ်.
ပမၤယဟိဝၤယွၤ အတၢ်မၤဒ်လၢညါအသိး မ့ၢ်တကဲလၢၤဘၣ်သနာ်က့ ဘၣ်မနုၤအဃိ ပကြၢးသးစၢၢ်ဆၢ တၢ်လၢပမၤအီၤသ့ဒံးတဖၣ်န့ၣ်လဲၣ်.
ကွၢ်ဃီၤဆူခိၣ်ဖးတက့ၢ်
ပကဆဲးအိၣ်ဒီး တၢ်နာ်လၢ ပကန့ၢ်ဘၣ်ခိၣ်ဖးအဂီၢ် တၢ်မနုၤ ကမၤစၢၤပှၤလဲၣ်.