အိၣ်မူဒ် ခရံာ်ဖိအသိး
ယဟိဝၤယွၤ ဆိကမိၣ်ဝဲဒ်လဲၣ်
တချုးလၢပမၤတၢ်ဆၢတဲာ်လၢ အဒိၣ်မ့ၢ်ဂ့ၤ, အဆံးမ့ၢ်ဂ့ၤဒံးဘၣ်န့ၣ် မ့ၢ်ပသံကွၢ်လီၤပသးလၢ ‘ယဟိဝၤယွၤ ဆိကမိၣ်ဝဲဒ်လဲၣ်’ န့ၣ်ဧါ. ပသ့ၣ်ညါ ယဟိဝၤယွၤ အသးတသ့လၢလၢပှဲၤပှဲၤ သနာ်က့ လၢလံာ်စီဆှံအပူၤန့ၣ် အဝဲပာ်ဖျါထီၣ်န့ၢ်ပှၤ တၢ်ဂ့ၢ်လၢလၢပှဲၤပှဲၤလၢ “တၢ်မၤဂ့ၤတမံၤလၢ်လၢ်” အဂီၢ်လီၤ. (၂ တံၤ. ၃:၁၆, ၁၇; ရိ. ၁၁:၃၃, ၃၄) ယ့ၣ်ၡူး သ့ၣ်ညါ ယဟိဝၤယွၤအတၢ်ဘၣ်သးဂ့ၤဂ့ၤ ဒီးလၢအတၢ်အိၣ်မူအပူၤန့ၣ် ပာ်ဝဲဒ်တၢ်လၢအရ့ဒိၣ်ကတၢၢ်လီၤ. (ယိၤ. ၄:၃၄) မ်ပကကွၢ်လိ ယ့ၣ်ၡူး ဒီးမၤတၢ်ဆၢတဲာ်လၢ အမၤသးခုယဟိဝၤယွၤအသးတက့ၢ်.—ယိၤ. ၈:၂၈, ၂၉; အ့း. ၅:၁၅-၁၇.
ကွၢ်တၢ်ဂီၤမူလၢ အခိၣ်တီမ့ၢ်ဝဲ ဃုသ့ၣ်ညါယဟိဝၤယွၤ အတၢ်ဘၣ်သးထီဘိ (၃ မိၤ. ၁၉:၁၈) ဒီးစံးဆၢတၢ်သံကွၢ်တဖၣ်အံၤတက့ၢ်–
ဘၣ်မနုၤအဃိ ပကဘၣ်မၤထွဲ လံာ်စီဆှံအတၢ်ဟံးစုနဲၣ်ကျဲလၢ ပတၢ်အိၣ်မူအပူၤလဲၣ်.
ဖဲပဃုထၢ တၢ်သူၣ်ဝံၣ်သးဆၢတဖၣ်အခါ ပကြၢးဆိကမိၣ်ထံ လံာ်စီဆှံအတၢ်ဟံးစုနဲၣ်ကျဲ မနုၤတဖၣ်လဲၣ်.
ဖဲပဃုထၢ တၢ်ကူတၢ်သိးအခါ ပကြၢးဆိကမိၣ်ထံ လံာ်စီဆှံအတၢ်ဟံးစုနဲၣ်ကျဲ မနုၤတဖၣ်လဲၣ်.
ပကဘၣ် မၤထွဲလံာ်စီဆှံ အတၢ်ဟံးစုနဲၣ်ကျဲလၢ သနၢၣ်အဂၤလၢ ပတၢ်အိၣ်မူအပူၤန့ၣ် မ့ၢ်မနုၤလဲၣ်.
ဒ်သိးပကသ့ၣ်ညါအါထီၣ် ယဟိဝၤယွၤ အတၢ်ဘၣ်သးအဂီၢ် ပမၤကသ့ဒ်လဲၣ်.
ပတၢ်ဆၢတဲာ်န့ၣ် ပာ်ဖျါထီၣ်ဝဲ ပတၢ်ရ့လိာ်သးဒီး ယဟိဝၤယွၤအိၣ်လဲၣ်.