ဘ့ၣ်လီၤကွံာ် ပှၤလီၢ်လံၤ ဒီးကူထီၣ်သိးထီၣ်ပှၤသီ

၃:၅-၁၄

ဖဲနသ့ၣ်ညါထီၣ်​ တၢ်မ့ၢ်တၢ်တီအခါ နဘၣ်ဆီတလဲ နသကဲာ်ပဝးအိၣ်ဧါ. နဂုာ်ကျဲးစၢး မၤတၢ်ဆီတလဲန့ၣ်​ ယဟိဝၤယွၤ ဘၣ်သူၣ်ဘၣ်ဝဲလီၤ. (ဃ့း. ၃၃:၁၁) ဘၣ်ဆၣ်​ ဒ်သိးပတၢ်သကဲာ်ပဝးလၢ ပဘ့ၣ်လီၤကွံာ်တဖၣ်​ အသုတဟဲက့ၤထီၣ်တဂ့ၤ ဒီးပဆဲးကူထီၣ်သိးထီၣ်​ ပှၤသီကန့ၢ်အဂီၢ် ပကဘၣ်ဆဲး ဂုာ်ကျဲးစၢးမၤအီၤလီၤ. စံးဆၢတၢ်သံကွၢ်တဖၣ်အံၤ ဒ်သိးနကသ့ၣ်ညါလီၤနသးလၢ တၢ်လၢနကဘၣ်​ မၤဂ့ၤထီၣ်အီၤတဖၣ်လၢ နတၢ်အိၣ်မူအပူၤ–

• မ့ၢ်ယစၢဃာ်ဒံး ပှၤလၢအမၤယၤ တတီတလိၤတဖၣ်​ အတၢ်ကမၣ်ဒံးဧါ.

• ဖဲယဘၣ်မၤကရီတၢ် မ့တမ့ၢ် ယလီၤဘှံးလီၤတီၤအခါ မ့ၢ်ယအိၣ်ဒီးတၢ်ဝံသးစူၤဧါ.

• ဖဲတၢ်ဆိကမိၣ်လၢ အတဂ့ၤတဖၣ်​ နုာ်လီၤအခါ မ့ၢ်ယထုးထီၣ်ကွံာ်အီၤ တဘျီဃီဧါ.

• မ့ၢ်ယအိၣ်ဒီး တၢ်ထံၣ်အတဂ့ၤလၢ ကလုာ်အဂၤ မ့တမ့ၢ် ပှၤလၢအဟဲလၢ ထံကီၢ်အဂၤတဖၣ်အဖီခိၣ်ဧါ.

• လၢအပူၤကွံာ် တယံာ်ဒံးဘၣ်န့ၣ်​ လၢတၢ်သးထီၣ်အပူၤ မ့ၢ်ယတဲဆါဘၣ်​ ပှၤတဂၤဂၤဧါ.