အိၣ်မူဒ် ခရံာ်ဖိအသိး
“ဆဲးဆိကမိၣ် တၢ်သ့ၣ်တဖၣ်အံၤတက့ၢ်”
တၢ်သ့ၣ်တဖၣ်အံၤန့ၣ် မ့ၢ်မနုၤလဲၣ်. ဖံလံးပံၤ ၄:၈ ပာ်ဖျါထီၣ်ဝဲလၢ ဖဲဒၣ်တၢ်မ့ၢ်တၢ်တီ, ဖဲဒၣ်တၢ်လၤတၢ်ကပီၤ, ဖဲဒၣ်တၢ်တီတၢ်လိၤ, ဖဲဒၣ်တၢ်စီတၢ်ဆှံ, ဖဲဒၣ်တၢ်လၢတၢ်အဲၣ်အီၤ, ဖဲဒၣ်တၢ်ဟူထီသါလီၤလၢ အဂ့ၤသ့ၣ်တဖၣ်, တၢ်ဂ့ၤဝါလၤကပီၤမ့ၢ်အိၣ်, ဒီးတၢ်စံးထီၣ်ပတြၢၤမ့ၢ်အိၣ်ဒီး ဆိကမိၣ်လၢတၢ်တဖၣ်န့ၣ် အဂ့ၢ်အကျိၤတက့ၢ်. ဘၣ်ဆၣ် တအဲၣ်ဒိးတဲစ့ၢ်ကီးဝဲလၢ ခရံာ်ဖိတဖၣ် ကဘၣ်ဆိကမိၣ်ထဲ လံာ်စီဆှံအဂ့ၢ်အကျိၤန့ၣ်ဘၣ်. ဘၣ်ဆၣ် တၢ်လၢပဆိကမိၣ်တဖၣ်န့ၣ် ကြၢးမ့ၢ်တၢ်လၢ ယဟိဝၤယွၤဘၣ်သူၣ်ဘၣ်သးဝဲလီၤ. တဘၣ်မ့ၢ်တၢ်လၢ ကမၤဟးဂီၤ ပတၢ်သးတီဒီးကစၢ်ယွၤဘၣ်.—စံး. ၁၉:၁၄.
ပကဟးဆှဲး တၢ်ဆိကမိၣ်လၢ အတဂ့ၤတဖၣ်အဂီၢ် ကကီဝဲလီၤ. ပဝဲသ့ၣ်တဖၣ် တမ့ၢ်ထဲ ပဘၣ်ထီဒါ ပတၢ်တလၢတပှဲၤဘၣ်. ပဘၣ်ထီဒါစ့ၢ်ကီး “ဟီၣ်ခိၣ်အကစၢ်” မုၣ်ကီၤလံၢ်လီၤ. (၂ ကရံၣ်. ၄:၄) မ့ၢ်လၢမုၣ်ကီၤလံၢ် ပၢၤဃာ်ဝဲ မံဒံယါတၢ်ကစီၣ်, ကွဲၤထံၣ်ဟူ, ကွဲၤလ့လိၤ, အ့ထၢၣ်နဲး အတၢ်ရဲၣ်တၢ်ကျဲၤ ဒီးလံာ်လဲၢ်လၢအတဂ့ၤတဖၣ်အဃိလီၤ. တၢ်လၢပကဖၢနုာ်အီၤလၢ ပခိၣ်နူာ်ပူၤတဖၣ် ပမ့ၢ်တဃုထၢအီၤ ဂ့ၤဂ့ၤဘၣ်န့ၣ် ပကဆိကမိၣ်ဘၣ် တၢ်လၢအတဂ့ၤတဖၣ် ဒီးလၢခံ ပကမၤဘၣ်တၢ်လၢအတဂ့ၤလီၤ.—ယၤ. ၁:၁၄, ၁၅.
ကွၢ်တၢ်ဂီၤမူလၢ အခိၣ်တီမ့ၢ်ဝဲ ဟးဆှဲးတၢ်လၢ ကမၤဟးဂီၤ ပတၢ်သးတီတက့ၢ်—တၢ်မၤမုာ်မၤဖှံသးလၢ အတကြၢးတဘၣ် ဒီးစံးဆၢ တၢ်သံကွၢ်လၢ လာ်တဖၣ်အံၤတက့ၢ်–
ဒီပုၢ်ဝဲၢ်တဂၤ ကွၢ်ဝဲတၢ်မနုၤလၢ အလီတဲစိအပူၤလဲၣ် ဒီးမၤဘၣ်ဒိအီၤဒ်လဲၣ်.
အဝဲဒိးန့ၢ်ဘၣ် တၢ်မၤစၢၤလၢ ကလၤတံ ၆:၇, ၈ ဒီး စံးထီၣ်ပတြၢၤ ၁၁၉:၃၇ ဒ်လဲၣ်.