အိၣ်မူဒ် ခရံာ်ဖိအသိး
ယဟိဝၤယွၤ အဲၣ်ပှၤလၢအကဆှီ
“သ့နစု. မၤကဆှဲကဆှီဟံၣ်. ခွဲသိၣ်ခွဲပျီတၢ်. တၢၤကွံာ်တၢ်ကမှံၤ.” မိၢ်ပၢ်အါမးန့ၣ် သိၣ်လိအဖိတဖၣ်လၢ ကဘၣ်မၤကဆှဲကဆှီအနီၢ်ခိ ဒ်လဲၣ်န့ၣ်လီၤ. မ့ၢ်လၢ လံာ်စီဆှံအတၢ်ဟံးစုနဲၣ်ကျဲလၢ ဘၣ်ဃးဒီးတၢ်ကဆှဲကဆှီန့ၣ် ဟဲလၢယွၤလၢအစီဆှံအအိၣ်အဃိလီၤ. (၂ မိၤ. ၃၀:၁၈-၂၀; ၅ မိၤ. ၂၃:၁၄; ၂ ကရံၣ်. ၇:၁) ပနီၢ်ခိ ဒီးပခိၣ်ပဃၢၤ မ့ၢ်ကဆှဲကဆှီန့ၣ် ကကဲထီၣ်တၢ်မၤလၤကပီၤ ယဟိဝၤယွၤလီၤ. (၁ ပ့း. ၁:၁၄-၁၆) ဘၣ်ဃးဒီးပဟံၣ် ဒီးပခိၣ်ပဃၢၤတခီမီၤ. လၢကျဲမ့ၢ်ဂ့ၤ, ဖီကရၢၢ်မ့ၢ်ဂ့ၤ ခရံာ်ဖိတဖၣ် မၤဝဲအဂ့ၤကတၢၢ်ဒ်သိး ဟီၣ်ခိၣ်လၢအမ့ၢ် ပဟံၣ်အံၤကကဆှီအဂီၢ်လီၤ. (စံး. ၁၁၅:၁၆; လီၣ်. ၁၁:၁၈) တၢ်ဂ့ၢ်ဆံးဆံးဖိ ဒ်သိးဒီး တၢ်တၢၤကွံာ် စးခိ, တၢ်ဒၢ မ့တမ့ၢ် ပံာ်က့ၣ်တဖၣ်န့ၣ် ပာ်ဖျါထီၣ်လၢ ဘၣ်ဃးဒီး တၢ်ကဆှဲကဆှီန့ၣ် ပတၢ်ပာ်သူၣ်ပာ်သးအိၣ်ဒ်လဲၣ်. လၢပတၢ်အိၣ်မူကိးသနၢၣ်ဒဲးအပူၤန့ၣ် ပအဲၣ်ဒိး “ပာ်ဖျါထီၣ်ပသးလၢ ပမ့ၢ်ယွၤအခ့အပှၤ လၢတၢ်ခဲလၢာ်အပူၤ” လီၤ.—၂ ကရံၣ်. ၆:၃, ၄.
ကွၢ်တၢ်ဂီၤမူလၢ အခိၣ်တီမ့ၢ် ယွၤအဲၣ်ပှၤလၢ အကဆှီ ဒီးစံးဆၢတၢ်သံကွၢ်လၢ လာ်တဖၣ်အံၤတက့ၢ်–
ပှၤတနီၤတပာ်ဝဲ အတၢ်ပီးတၢ်လီတဖၣ် ကဆှဲကဆှီဘၣ်န့ၣ် တဲဝဲလၢမနုၤအဃိလဲၣ်.
လၢစီၤမိၤၡ့ အတၢ်သိၣ်တၢ်သီအပူၤ ပာ်ဖျါထီၣ်ဝဲ ယဟိဝၤယွၤအတၢ်ထံၣ်လၢ ဘၣ်ဃးဒီး တၢ်ကဆှဲကဆှီန့ၣ်ဒ်လဲၣ်.
ပမ့ၢ်တတဲတၢ်နီတမံၤသနာ်က့ ပမၤလၤကပီၤ ယဟိဝၤယွၤသ့ဒ်လဲၣ်.
လၢယတၢ်အိၣ်မူအပူၤ ယပာ်ဖျါထီၣ် ယဟိဝၤယွၤ အတၢ်ထံၣ်လၢ ဘၣ်ဃးဒီး တၢ်ကဆှဲကဆှီ ကသ့ဒ်လဲၣ်.