အိၣ်မူဒ် ခရံာ်ဖိအသိး
မ့ၢ်နအိၣ်ကတဲာ်ကတီၤနသးလံဧါ
န့ဆၢၣ်တၢ်ဘၣ်ဒိဘၣ်ထံး မ့ၢ်ကဲထီၣ်လၢ နလီၢ်ကဝီၤန့ၣ် မ့ၢ်နအိၣ်ကတဲာ်ကတီၤနသးလံဧါ. ဟီၣ်ခိၣ်ဟူး, ကလံၤမုၢ်, မ့ၣ်အူအီၣ်ပှၢ် ဒီးထံဒိၣ်နိယွၤတဖၣ်န့ၣ် ကဲထီၣ်အသးသတူၢ်ကလာ်သ့ ဒီးတၢ်ဟးဂူၤဟးဂီၤအါမးလီၤ. တကးဒံးဘၣ် ပှၤမၤအၢမၤသီတၢ် (terrorist) မၤဘၣ်ဒိဘၣ်ထံးတၢ်, ပှၤပူထီၣ်ထီဒါတၢ်, တၢ်ဆါဘၣ်ကူဘၣ်ဂာ် ဘၣ်ပှၤလၢတၢ်လီၢ်ခဲလၢာ်သ့ ဒီးကဲထီၣ်လၢ တၢ်တပာ်သူၣ်ပာ်သးအပူၤသ့လီၤ. (စံၣ်. ၉:၁၁) ပတကြၢး ဆိကမိၣ်လၢ တၢ်သ့ၣ်တဖၣ်အံၤ တကဲထီၣ်အသးလၢ ပအိၣ်တၢ်လီၢ်နီတဘျီဘၣ်န့ၣ်ဘၣ်.
ခဲအံၤ ပဝဲတဂၤစုာ်စုာ် ပကဘၣ်စးထီၣ် ကတဲာ်ကတီၤပသးလၢ တၢ်ဘၣ်ဒိဘၣ်ထံးတဖၣ်အဂီၢ်လီၤ. (ကတိၤ. ၂၂:၃) ဖဲတၢ်ဘၣ်ဒိဘၣ်ထံး ကဲထီၣ်အသးအခါ ယဟိဝၤယွၤ အတၢ်ကရၢကရိ မၤစၢၤပှၤ သနာ်က့ ပဝဲတဂၤစုာ်စုာ် ပအိၣ်ဒီးမူဒါလၢ ပကဘၣ်ကတဲာ်ကတီၤပသးန့ၣ်လီၤ.—ကလၤ. ၆:၅.
ကွၢ်တၢ်ဂီၤမူလၢ အခိၣ်တီမ့ၢ် မ့ၢ်နအိၣ်ကတဲာ်ကတီၤနသးလၢ တၢ်ဘၣ်ဒိဘၣ်ထံးလၢ န့ဆၢၣ်အဃိလံဧါ ဒီးစံးဆၢတၢ်သံကွၢ်လၢလာ်တဖၣ်အံၤ–
ဖဲန့ဆၢၣ်တၢ်ဘၣ်ဒိဘၣ်ထံး ကဲထီၣ်အခါ ပတၢ်ရ့လိာ်သးဒီး ယဟိဝၤယွၤ ဘူးဘူးတံၢ်တံၢ်န့ၣ် ကမၤစၢၤပှၤဒ်လဲၣ်.
တချုးန့ဆၢၣ်တၢ်ဘၣ်ဒိဘၣ်ထံးကဲထီၣ်ဒံးဘၣ်, ဖဲကဲထီၣ်အခါ ဒီးကဲထီၣ်ဝံၤအလီၢ်ခံ ဘၣ်မနုၤအဃိအရ့ဒိၣ်လၢ . . .
• ပကဆဲးကျိးဒီး တၢ်အိၣ်ဖှိၣ်သးပှၢ်တဖၣ်ထီဘိလဲၣ်.
• ပကကတဲာ်ကတီၤပာ် ထၢၣ်လၢဂ့ၢ်ဂီၢ်အူအဂီၢ် (emergency kit) လဲၣ်.—g17.5-E 6
• ပကဘၣ်တဲသကိး န့ဆၢၣ်တၢ်ဘၣ်ဒိဘၣ်ထံးလၢ အဟဲကဲထီၣ်အသးသ့တဖၣ် ဒီးတၢ်မ့ၢ်ကဲထီၣ်အသးန့ၣ် ပကမၤဒ်လဲၣ် အဂ့ၢ်န့ၣ်လဲၣ်.
ဖဲပှၤဂၤထံၣ်ဘၣ် န့ဆၢၣ်တၢ်ဘၣ်ဒိဘၣ်ထံးအခါ ကျဲသၢဘိလၢ ပမၤစၢၤသ့န့ၣ် မ့ၢ်မနုၤလဲၣ်.