လါအီကူး ၁၀–၁၆ အိၣ်မူဒ် ခရံာ်ဖိအသိး
စံးထီၣ်ပတြၢၤ ယဟိဝၤယွၤ ခီဖျိမၤပှၤလဲၤလၢညါ
ပှၤအံၣ်စရ့လးဖိတဖၣ် အိၣ်ဒီးတၢ်ဂ့ၢ်အဂ့ၤ လၢကစံးထီၣ်ပတြၢၤ ယဟိဝၤယွၤအဂီၢ်လီၤ. ကစၢ်ယွၤ ထုးထီၣ်အဝဲသ့ၣ်လၢ ကီၢ်အဲၤကူပတူးအပူၤ ဒီးမၤပူၤဖျဲးထီၣ် အဝဲသ့ၣ်လၢ ဖၤရိၤအသုးမုၢ်တဖၣ်အစုပူၤလီၤ. (၂ မိၤ. ၁၅:၁, ၂) ယဟိဝၤယွၤ ဆဲးမၤတၢ်အဂ့ၤလၢ အပှၤကလုာ်တဖၣ်အဂီၢ်လီၤ. ပပာ်ဖျါထီၣ် ပတၢ်စံးဘျုးစံးဖှိၣ် ကသ့ဒ်လဲၣ်.—စံး. ၁၁၆:၁၂.
ကျဲတဘိန့ၣ် မ့ၢ်ဝဲပမၤပှၤလဲၤလၢညါ မ့တမ့ၢ် ပှၤလဲၤလၢညါ မၤစၢၤတၢ်န့ၣ်လီၤ. ဒ်သိးနကသးအိၣ်မၤ ပှၤလဲၤလၢညါ ဒီးနကအိၣ်ဒီး တၢ်ဂံၢ်တၢ်ဘါလၢ နမၤအီၤကန့ၢ်အဂီၢ် ဃ့ဘါထုကဖၣ်တက့ၢ်. (ဖံလံး. ၂:၁၃) ပှၤအါတက့ၢ်န့ၣ် အဆိကတၢၢ် စးထီၣ်မၤဝဲ ပှၤလဲၤလၢညါ မၤစၢၤတၢ်န့ၣ်လီၤ. မ့ၢ်ဘၣ်လၢ လါမၢ်ၡး ဒီးလါအ့ဖြ့ၣ် မ့တမ့ၢ် ကဝီၤအပှၤကွၢ်တၢ် ဟဲဟးအလါန့ၣ် နဃုထၢလၢ နကမၤပှၤလဲၤလၢညါ မၤစၢၤတၢ် အနၣ်ရံၣ် ၃၀ မ့တမ့ၢ် ၅၀ သ့လီၤ. ဖဲနထံၣ်ဘၣ် တၢ်သူၣ်ခုသးခုလၢ နမၤပှၤလဲၤလၢညါ မၤစၢၤတၢ်အခါ နကအဲၣ်ဒိးကဲထီၣ် ပှၤလဲၤလၢညါတဂၤလီၤ. ပှၤလၢအမၤတၢ်မၤလၢ တၢ်လုၢ်အီၣ်သးသမူအဂီၢ်လၢ ဆၢကတီၢ်လၢပှဲၤ မ့တမ့ၢ် အတၢ်အိၣ်ဆူၣ်အိၣ်ချ့ တဂ့ၤအါအါတဖၣ်ဒၣ်လဲာ် မၤဝဲပှၤလဲၤလၢညါန့ၢ်ဝဲလီၤ. (mwb၁၆.၀၇ ၈) ယဟိဝၤယွၤန့ၣ် ကြၢးဒိးန့ၢ်ဘၣ်ဝဲ ပတၢ်စံးထီၣ်ပတြၢၤအီၤ သပှၢ်တၢၢ်လီၤ.—၁ ကွဲး. ၁၆:၂၅.
ကွၢ်တၢ်ဂီၤမူလၢ အခိၣ်တီမ့ၢ်ဝဲ ဒီပုၢ်ဝဲၢ်မုၣ်သၢဂၤလၢ ကီၢ်မိၣ်ကိလံယါ ဒီးစံးဆၢတၢ်သံကွၢ်တဖၣ်အံၤ–
ဒီပုၢ်ဝဲၢ်မုၣ်သၢဂၤအံၤ အိၣ်ဒီးတၢ်ကီတၢ်ခဲဒ်လဲၣ် ဒီးဒ်သိးအဝဲသ့ၣ် မၤဝဲပှၤလဲၤလၢညါ ကန့ၢ်အဂီၢ် မၤဘၣ်ဂီၢ်ဝဲ အတၢ်ကီတၢ်ခဲဒ်လဲၣ်.
အဝဲသ့ၣ် ဒိးန့ၢ်ဘၣ် တၢ်ဆိၣ်ဂ့ၤမနုၤတဖၣ်လဲၣ်.
ခီဖျိလၢအဝဲသ့ၣ် မၤဝဲပှၤလဲၤလၢညါအဃိ ဒိးန့ၢ်ဘၣ်ဝဲတၢ်ခွဲးတၢ်ယာ် အသီမနုၤလဲၣ်.
အဝဲသ့ၣ် အဒိအတဲာ်န့ၣ် အဘျုးအိၣ်လၢ ပှၤဂၤအဂီၢ်ဒ်လဲၣ်.