တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၃ မိၤၡ့ ၄-၅
ဟ့ၣ်ယဟိဝၤယွၤ တၢ်အဂ့ၤကတၢၢ် လၢအိၣ်ဒီးနၤ
လၢကီၢ်အံၣ်စရ့အပူၤ ခီဖျိလၢ ပှၤဖှီၣ်အဃိ ပှၤမၤဃူမၤဖိးတၢ်ဒီး ယဟိဝၤယွၤတန့ၢ်ဘၣ်န့ၣ် တအိၣ်နီတဂၤဘၣ်. ပှၤအံၣ်စရ့လးဖိလၢ အဖှီၣ်အယာ်တဖၣ်ဒၣ်လဲာ် မ့ၢ်ဟ့ၣ်လုၢ်ထီၣ်ဝဲ တၢ်အဂ့ၤကတၢၢ်လၢ အိၣ်ဒီးအဝဲသ့ၣ်န့ၣ် ယဟိဝၤယွၤ တူၢ်လိာ်ဝဲလီၤ. အဝဲသ့ၣ် ဟ့ၣ်ဝဲကိၣ်ကမူၣ်သ့, ဘၣ်ဆၣ် ယဟိဝၤယွၤ တူၢ်လိာ်ဝဲ “ကိၣ်ကမူၣ်” လၢပှၤသူအီၤလၢ ပှၤတူၢ်လိာ်တမှံၤအဂီၢ်န့ၣ်လီၤ. (၁ မိၤ. ၁၈:၆) ဆၢကတီၢ်ခဲအံၤ စ့ၢ်ကီး ခီဖျိလၢ ပတၢ်အိၣ်သးအဃိ ပမၤတၢ်မ့ၢ်တန့ၢ်အါအါဘၣ် သနာ်က့ တသ့ ဖဲအသ့ ပမ့ၢ်ဟ့ၣ်လုၢ်ထီၣ် “ပထးခိၣ်အတၤသၣ်” လၢအဂ့ၤကတၢၢ်န့ၣ် ယဟိဝၤယွၤ ဘၣ်သူၣ်ဘၣ်သးဝဲလီၤ.—ဧ့ၤ. ၁၃:၁၅.
ခီဖျိလၢ နတၢ်အိၣ်ဆူၣ်အိၣ်ချ့တဂ့ၤဘၣ် မ့တမ့ၢ် နဂံၢ်နဘါတအိၣ်အါအါလၢၤဘၣ်အဃိ နမၤတၢ်မ့ၢ်တကဲဒ် လၢညါအသိးဘၣ်န့ၣ် တၢ်ဂ့ၢ်အံၤကဲထီၣ်တၢ်ဂံၢ်တၢ်ဘါ သ့ဒ်လဲၣ်