ဆဲးသူ မဲးကစံတဖၣ်

စးထီၣ်လၢ ၂၀၁၈ န့ၣ်​ တၢးထီခိးတၢ်လၢ ကမျၢၢ်အဂီၢ်န့ၣ်​ ဘၣ်တၢ်ပာ်ဖျါထီၣ်​ တၢ်ဂ့ၢ်ထဲတခါဧိၤလီၤ. တၢးထီခိးတၢ်အံၤ မ့ၢ်ဝဲတၢ်ပီးတၢ်လီလၢ တၢ်သိၣ်လိအဂီၢ်စ့ၢ်ကီးလီၤ. အဃိ ပသူအီၤလၢ တၢ်စံၣ်တဲၤတဲလီၤတၢ်မၤအပူၤသ့လီၤ. ဖဲပဟးကသူၣ်ကသီအခါမ့ၢ်ဂ့ၤ ပလဲၤပှ့ၤတၢ်အခါမ့ၢ်ဂ့ၤ ပစိာ်ဃုာ်ဒီး တၢးထီခိးတၢ်တနီၤသ့လီၤ. တၢးထီခိးတၢ်အံၤ အတၢ်တိာ်ပာ်န့ၣ်​ တမ့ၢ်လၢ ပကမၤလိလံာ်စီဆှံ ဒီးပှၤဂၤအဂီၢ်သနာ်က့ ပသူအီၤလၢ ကထိၣ်ဟူးထိၣ်ဂဲၤထီၣ်​ ပှၤဂၤ ဒ်သိးကသးအိၣ်​ သ့ၣ်ညါအါထီၣ်​ ကစၢ်ယွၤအဂ့ၢ်အဂီၢ်သ့လီၤ.

နစးထီၣ်တဲသကိးတၢ်ဝံၤအလီၢ်ခံ ဖးလံာ်စီဆှံတဆၢ ဒီးတဲတၢ်ဂ့ၢ်တခါလၢ အလီၤသးစၢၢ်ဆၢလၢ အအိၣ်လၢ မဲးကစံအပူၤတက့ၢ်. အဒိ ပှၤလၢနတဲသကိးတၢ်ဒီးအီၤတဖၣ်​ မ့မ့ၢ် ပှၤလၢအဘၣ်လုၢ်အီၣ်လုၢ်အီ အဟံၣ်ဖိဃီဖိ, ထံၣ်ဘၣ်ဒီးတၢ်သူၣ်အုးသးအုး မ့တမ့ၢ် မ့ၢ်ဘၣ်ဘှါၡဲက့ၤ တၢ်ဂ့ၢ်ကီတမံၤမံၤန့ၣ်​ တဲအီၤလၢ “ဘၣ်ဃးဒီးတၢ်ဂ့ၢ်တဖၣ်အံၤအဂီၢ်န့ၣ်​ ယအိၣ်ဒီးတၢ်ဂ့ၢ်လၢအဂ့ၤဒိၣ်မးတခါ ယပၠးနၤကသ့ဧါ.” နမ့ၢ်ဆိကမိၣ်လၢ အဝဲအသးအိၣ်သ့ၣ်ညါတၢ်န့ၣ်​ ဖဲနထံၣ်အီၤ အဆိကတၢၢ်တဘျီအခါ နဟ့ၣ်အီၤ မဲးကစံတဘ့ၣ်​ မ့တမ့ၢ် နဆှၢန့ၢ်အီၤလၢ အံၣ်လဲးထြီနံးအပူၤသ့လီၤ. ပတၢ်တိာ်ပာ်န့ၣ်​ တမ့ၢ်ထဲလၢ ပကနီၤလီၤ မဲးကစံတဖၣ်အဂီၢ်ဘၣ်​ သနာ်က့ မဲးကစံတဖၣ်အံၤ ကမၤစၢၤပှၤ ဒ်သိးပကထံၣ်ဘၣ်​ ပှၤလၢအသူၣ်ဘျၢသးဘျၢလၢ အဃုတၢ်မ့ၢ်တၢ်တီတဖၣ်အဂီၢ်လီၤ.—မၤတၢ်. ၁၃:၄၈.

၂၀၁၈

၂၀၁၉

၂၀၂၀