ဃုထၢလၢ နကမၤ ယဟိဝၤယွၤ အတၢ်မၤ

နမ့မ့ၢ်ခရံာ်ဖိသးစၢ်တဂၤ မ့တမ့ၢ် ပှၤမၤလိလံာ်စီဆှံဖိတဂၤန့ၣ်​ နဖီတၢၣ်အိၣ်လၢ နကဒိးဘျၢထံဧါ. ဘၣ်မနုၤအဃိ နကြၢးဒိးဘျၢထံလဲၣ်. တၢ်ဟ့ၣ်လုၢ်ထီၣ်သး ဒီးတၢ်ဒိးဘျၢထံန့ၣ်​ ဒုးအိၣ်ထီၣ်​ ပတၢ်ရ့လိာ်သးဒီး ယဟိဝၤယွၤလီၤ. (စံး. ၉၁:၁) ပဒိးန့ၢ်ဘၣ်​ တၢ်အုၣ်က့ၤခီၣ်က့ၤသ့ စ့ၢ်ကီးလီၤ. (၁ ပ့း. ၃:၂၁) ဒ်သိးနကတုၤထီၣ်ထီၣ်ဘးလၢ နကဒိးဘျၢထံအဂီၢ် နမၤကသ့ဒ်လဲၣ်.

တၢ်လၢနမၤလိဘၣ်တဖၣ်​ မ့ၢ်တၢ်မ့ၢ်တၢ်တီန့ၣ်​ နကဘၣ်နာ်အီၤ လီၤတံၢ်လီၤဆဲးလီၤ. ဖဲနတၢ်သံကွၢ် အိၣ်ထီၣ်အခါန့ၣ်​ ဃုသ့ၣ်ညါ အတၢ်စံးဆၢလၢ နနီၢ်ကစၢ်တက့ၢ်. (ရိ. ၁၂:၂) ဃုသ့ၣ်ညါတၢ်ဆီတလဲလၢ လိၣ်လၢနကဘၣ်မၤအီၤတဖၣ်​ ဒီးသးအိၣ်ဆီတလဲနသး ဒ်သိးနကဒိးန့ၢ်ဘၣ်​ ယဟိဝၤယွၤ အတၢ်ဘၣ်သးအဂီၢ်တက့ၢ်. (ကတိၤ. ၂၇:၁၁; အ့း. ၄:၂၃, ၂၄) ဃ့တၢ်မၤစၢၤလၢ ကစၢ်ယွၤအအိၣ်ထီဘိတက့ၢ်. ဒီးနာ်လၢ အဝဲကဆီၣ်ထွဲမၤစၢၤနၤ ဒီးကဟ့ၣ်ဂံၢ်ဟ့ၣ်ဘါနၤ ခီဖျိ အသးစီဆှံလၢ အိၣ်ဒီးအစိအကမီၤန့ၣ်တက့ၢ်. (၁ ပ့း. ၅:၁၀, ၁၁) တၢ်ဘူၣ်ထီၣ်ဘါထီၣ်​ ယဟိဝၤယွၤန့ၣ်​ မ့ၢ်တၢ်အိၣ်မူကျဲလၢ အဂ့ၤကတၢၢ်အဃိ နတၢ်ဂုာ်ကျဲးစၢးန့ၣ်​ အဘျုးအိၣ်ဝဲ သပှၢ်တၢၢ်လီၤ.—စံး. ၁၆:၁၁.

ကွၢ်တၢ်ဂီၤမူလၢ အခိၣ်တီမ့ၢ်ဝဲ ခီၣ်ခါအရ့ဒိၣ်ဒ်သိး ကတုၤထီၣ်ထီၣ်ဘးလၢ တၢ်ဒိးဘျၢထံ ဒီးစံးဆၢတၢ်သံကွၢ်တဖၣ်အံၤ–

• ပှၤတနီၤကဒိးဘျၢထံအဂီၢ် ဘၣ်လဲၤခီဖျိဝဲ တၢ်တြီမၤတံာ်တာ် မနုၤတဖၣ်လဲၣ်.

• ဒ်သိးနကဟ့ၣ်လုၢ်ထီၣ်နသးလၢ ယဟိဝၤယွၤ အအိၣ်အဂီၢ် နမၤအါထီၣ်နတၢ်နာ် ကသ့ဒ်လဲၣ်.

• ပှၤတနီၤန့ၣ်​ တၢ်မနုၤ ထိၣ်ဟူးထိၣ်ဂဲၤထီၣ်အီၤလၢ ကဂုာ်ကျဲးစၢးဝဲ ဒ်သိးကတုၤထီၣ်ထီၣ်ဘးလၢ ကဒိးဘျၢထံအဂီၢ်လဲၣ်.

• ပှၤလၢအဃုထၢလၢ ကမၤယဟိဝၤယွၤ အတၢ်မၤတဖၣ်​ ဒိးန့ၢ်ဘၣ်​ တၢ်ဆိၣ်ဂ့ၤမနုၤလဲၣ်.

• တၢ်ဟ့ၣ်လုၢ်ထီၣ်သး ဒီးတၢ်ဒိးဘျၢထံ အခီပညီဒ်လဲၣ်.