သူ လံာ်လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု လၢတၢ်စံၣ်တဲၤတဲလီၤတၢ်မၤအပူၤ

ပဒိးန့ၢ်ဘၣ်​ လံာ်အသီတဘ့ၣ်​ ဒီးပကသူအီၤလၢ တၢ်မၤလိလံာ်စီဆှံဒီးပှၤဂၤအဂီၢ်အဃိ ပသးခုဒိၣ်မးလီၤ. ပဃ့ထုကဖၣ်လၢ ယဟိဝၤယွၤ ကဆိၣ်ဂ့ၤ ပတၢ်ဂုာ်ကျဲးစၢးလၢ တၢ်လဲၤဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်အဂီၢ်လီၤ. (မး. ၂၈:၁၈-၂၀; ၁ ကရံၣ်. ၃:၆-၉) ပကသူ တၢ်ပီးတၢ်လီအသီအံၤဒ်လဲၣ်.

ဖဲပသူလံာ်လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု အံၤ ဒီးမၤလိလံာ်စီဆှံဒီးပှၤဂၤအခါ ပကဘၣ်ပၠး တၢ်ဂီၤမူ ဒီးဖးတၢ်ဂ့ၢ်ဘျးစဲလိာ်သးတဖၣ်အဃိ ဖဲပကတဲာ်ကတီၤပသးအခါမ့ၢ်ဂ့ၤ ဖဲပမၤလိလံာ်စီဆှံဒီးပှၤဂၤအခါမ့ၢ်ဂ့ၤ ပကဘၣ်မၤထွဲဒ် တၢ်ဟံးစုနဲၣ်ကျဲလၢ လာ်တဖၣ်အံၤအသိးလီၤ.a

• ဖးတၢ်ဂ့ၢ်တဖၣ်​ ဒီးတဲသကိး တၢ်သံကွၢ်တဖၣ်

• ဖးလံာ်စီဆှံအဆၢလၢ “ဖး” တဖၣ်​ ဒီးဘၣ်ထွဲလိာ်အသးဒ်လဲၣ်န့ၣ်​ ပှၤမၤလိလံာ်စီဆှံဖိ ကနၢ်ပၢၢ်ဝဲအဂီၢ် မၤစၢၤအီၤတက့ၢ်

• ကွၢ်တၢ်ဂီၤမူ ဒီးတဲသကိးအီၤ ဒီးသူတၢ်သံကွၢ်လၢ လံာ်ပူၤတဖၣ်

• တၢ်မၤလိလံာ်စီဆှံတဘျီန့ၣ်​ ဂုာ်ကျဲးစၢးမၤဝံၤ တၢ်မၤလိတခါတက့ၢ်

ဖဲနဟ့ၣ်လီၤလံာ်အံၤအခါ မ့ၢ်ဟံၣ်ကစၢ် အသးအိၣ်တၢ်ဧါ တသးအိၣ်တၢ်ဘၣ်ဧါန့ၣ်​ ဂုာ်ကျဲးစၢးဃုသ့ၣ်ညါတက့ၢ်. (ကွၢ် တၢ်လွံၢ်နၢၣ်​ “နနီၤလီၤ လံာ်လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု ဖဲတၢ်ထံၣ်လိာ်သးဒီး ဟံၣ်ကစၢ် အဆိကတၢၢ်တဘျီ ကသ့ဒ်လဲၣ်”) ဖဲနမၤလိ အိၣ်မူလီၤထူလီၤယိာ် ပှဲၤဒီးတၢ်သးခု (Iffi) အံၤဝံၤ ဒီးနပှၤမၤလိလံာ်စီဆှံဖိ မ့ၢ်အဲၣ်ဒိးဆဲးမၤလိဝဲန့ၣ်​ ဟ့ၣ်အီၤလံာ်လၢအဒိၣ်တဘ့ၣ်​ (Iff) ဒီးစးထီၣ်အီၤလၢ တၢ်မၤလိ ၄ တက့ၢ်. နမ့ၢ်သူ လံာ်လၢအမ့ၢ် လံာ်စီဆှံ ကသိၣ်လိပှၤ တၢ်ဂ့ၢ်မနုၤလဲၣ်​ ဒီးပအိၣ်ဂၢၢ်ဆိးကျၢၤလၢ ယွၤအတၢ်အဲၣ်တၢ်ကွံအပူၤ ကသ့ဒ်လဲၣ်န့ၣ်​ ဆီတလဲက့ၤလၢ လံာ်အဒိၣ်တဘ့ၣ်​ (Iff) ဒီးဆၢတဲာ်လၢ နကစးထီၣ်လၢ တၢ်မၤလိ မနုၤလဲၣ်န့ၣ်တက့ၢ်.

ကွၢ်တၢ်ဂီၤမူလၢအမ့ၢ် ပသးခုလၢ နကမၤလိလံာ်စီဆှံ ဒီးစံးဆၢတၢ်သံကွၢ်တဖၣ်အံၤ–

• လၢလံာ်အသီအံၤအပူၤ ပှၤမၤလိလံာ်စီဆှံဖိတဖၣ်​ ကမၤလိဘၣ်ဝဲ တၢ်မနုၤလဲၣ်.

• ဘၣ်မနုၤအဃိ နကြၢးပၠး ပှၤမၤလိလံာ်စီဆှံဖိအသီတဖၣ်လၢ တၢ်ဂီၤမူအံၤလဲၣ်.

• နကြၢးဟ့ၣ်ဂံၢ်ဟ့ၣ်ဘါ ပှၤမၤလိလံာ်စီဆှံဖိလၢ ကပာ်လီၤဖီတၢၣ်​ မနုၤတဖၣ်လဲၣ်.—ကွၢ် တၢ်လွံၢ်နၢၣ်လၢ “တၢ်ဂ့ၢ်မိၢ်ပှၢ် ဒီးဖီတၢၣ်​ လၢတၢ်မၤလိတခါ စုာ်စုာ်အဂီၢ်”