အိၣ်မူဒ် ခရံာ်ဖိအသိး
နတံၤသကိးလၢ Online ပူၤတဖၣ်န့ၣ် မ့ၢ်ပှၤဒ်လဲၣ်တဖၣ်လဲၣ်
တၢ်လၢတံၤသကိးန့ၣ် အဲၣ်ဒိးတဲဝဲ “ပှၤလၢအအဲၣ်လိာ်အသး ဒီးပာ်ကဲလိာ်အသး တဂၤဒီးတဂၤလီၤ.” အဒိ စးထီၣ်ဖဲ စီၤဒၤဝံး မၤသံဝဲ စီၤကၤလယးဝံၤအလီၢ်ခံ စီၤဒၤဝံး ဒီးစီၤယိနၤသၣ်န့ၣ် အတၢ်ရ့လိာ်သး ဂၢၢ်ကျၢၤထီၣ်ဝဲ. (၁ မူၤ. ၁၈:၁) အဝဲသ့ၣ်ပာ်ဖျါထီၣ် တၢ်ဂ့ၤတၢ်ဝါလၢ အလီၤဘၣ်သူၣ်ဘၣ်သးလၢ တဂၤဒီးတဂၤအဖီခိၣ်. လၢတၢ်န့ၣ်အဃိ တၢ်ရ့လိာ်သးလၢ အဂၢၢ်အကျၢၤန့ၣ် သန့ၤထီၣ်အသးလၢ တၢ်သ့ၣ်ညါအမ့ၢ်အတီအဖီခိၣ်လီၤ. အဃိ ဒ်သိးနကသ့ၣ်ညါလိာ်သး တဂၤဒီးတဂၤအဂီၢ် နကဘၣ်ဟ့ၣ်တၢ်ဆၢကတီၢ် ဒီးထဲးဂံၢ်ထဲးဘါလီၤ. သနာ်က့ နမ့ၢ်သူ အ့ထၢၣ်နဲးအကျိၤအကျဲတဖၣ် (social networks) ဒီးစံၢ်လီၤအီၤထဲတဘီန့ၣ် နကဲထီၣ် “တံၤသကိး” သ့လံ. ပှၤလၢအသူ အ့ထၢၣ်နဲးအကျိၤအကျဲတဖၣ်န့ၣ် ဒ်သိးပှၤကထံၣ်ဂ့ၤအီၤအဂီၢ် အဝဲသ့ၣ်တဲတၢ်သ့မး တကးဒံးဘၣ် အဝဲသ့ၣ် မ့ၢ်ပှၤဒ်လဲၣ်န့ၣ် ပာ်ခူသူၣ်ဝဲသ့စ့ၢ်ကီးလီၤ. လၢတၢ်န့ၣ်အဃိ ဆိကမိၣ်ဆိပာ်လၢ နအဲၣ်ဒိးတူၢ်လိာ် ပှၤဒ်လဲၣ်တဂၤလၢ နတံၤသကိးလဲၣ်. ပှၤလၢနတသ့ၣ်ညါအီၤတဂၤ မ့ၢ်ဟဲဃ့ဒီတံၤဒီသကိးဒီးနၤန့ၣ် နကဂ့ၢ်လိာ်ကွံာ်အီၤအဂီၢ် တဘၣ်ဘၣ်ယိၣ်တၢ်တဂ့ၤ ဒီးတဘၣ်ဘၣ်ယိၣ်လၢ အဝဲအသးကဘၣ်ဒိန့ၣ်တဂ့ၤ. ပှၤတနီၤန့ၣ် ထံၣ်ဆိပာ်ဝဲလၢ တၢ်ဘၣ်ယိၣ်အလီၢ်အိၣ်အဃိ အဝဲသ့ၣ် တသူဝဲ အ့ထၢၣ်နဲးအကျိၤအကျဲတဖၣ်ဘၣ်. နမ့ၢ်ဃုထၢလၢ နကသူအ့ထၢၣ်နဲးအကျိၤအကျဲတဖၣ်န့ၣ် နကြၢးဆိကမိၣ်ဆိပာ် တၢ်ဂ့ၢ်မနုၤတဖၣ်လဲၣ်.
ကွၢ်တၢ်ဂီၤမူလၢအမ့ၢ် ဖဲနသူအ့ထၢၣ်နဲးအခါ ဟးဆှဲးတၢ်ဘၣ်ယိၣ်အလီၢ်တဖၣ် ဒီးစံးဆၢ တၢ်သံကွၢ်တဖၣ်အံၤ–
တချုးလၢ နကွဲးလီၤတၢ်ဂ့ၢ်တမံၤမံၤ ဒီးပာ်ထီၣ်တၢ်ဂီၤဒံးဘၣ်အခါ နကြၢးဆိကမိၣ်ဆိ တၢ်ဂ့ၢ်မနုၤလဲၣ်.
ဖဲနဃုထၢ တံၤသကိးလၢ online ပူၤအခါ ဘၣ်မနုၤအဃိ နကဘၣ်ပလီၢ်နသးလဲၣ်.
ဘၣ်မနုၤအဃိ နကြၢးပာ်ပနီၣ် တၢ်ဆၢကတီၢ်လၢ နကသူ အ့ထၢၣ်နဲးအကျိၤအကျဲတဖၣ်အဂီၢ်လဲၣ်.—အ့း. ၅:၁၅, ၁၆