“တၢ်အဲၣ်တၢ်ကွံ . . . အသးတခုဘၣ်လၢ တၢ်တတီတလိၤအပူၤဘၣ်”

ခရံာ်ဖိနီၢ်နီၢ်တဖၣ်န့ၣ် မၤဝဲတၢ်ဆၢတဲာ်တဖၣ်လၢ ဒိးသန့ၤထီၣ်အသးလၢ တၢ်အဲၣ်တၢ်ကွံ. တၢ်အဲၣ်တၢ်ကွံန့ၣ် “အသးတခုဘၣ်လၢ တၢ်တတီတလိၤအပူၤဘၣ်.” (၁ ကရံၣ်. ၁၃:၄, ၆) အဃိ ပဟးဆှဲးတၢ်မၤမုာ်မၤဖှံသးလၢ အဆီၣ်ထွဲ တၢ်မၤကမၣ်မုာ်ကမၣ်ခွါ ဒီးတၢ်မၤဆူၣ်မၤစိးတဖၣ်. တကးဒံးဘၣ် ဖဲပှၤဂၤထံၣ်ဘၣ်ဒီး တၢ်ကီတၢ်ခဲအခါ ပတသးခုဘၣ်. ပှၤလၢအမၤဘၣ်ဒိတ့ၢ်ပှၤတဖၣ်ဒၣ်လဲာ် မ့ၢ်ဘၣ်ကီဘၣ်ခဲန့ၣ် ပတသးခုဘၣ်.—ကတိၤ. ၁၇:၅.

ကွၢ်တၢ်ဂီၤမူလၢအမ့ၢ် တၢ်အဲၣ်တၢ်ကွံန့ၣ် အခီပညီဒ်လဲၣ်—အသးတခုဘၣ်လၢ တၢ်တတီတလိၤအပူၤဘၣ်. ဒီးစံးဆၢတၢ်သံကွၢ်တဖၣ်အံၤ–

• ဖဲစီၤဒၤဝံးသ့ၣ်ညါဝဲလၢ စီၤစီလူး ဒီးစီၤယိနၤသၣ်သံအခါ အဝဲမၤဝဲဒ်လဲၣ်.

• စီၤဒၤဝံး ကွဲးဝဲထါဟီၣ်ထါယၢၤလၢ စီၤစီလူးဒီး စီၤယိနၤသၣ်အဂီၢ်ဒ်လဲၣ်.

• ဘၣ်မနုၤအဃိ စီၤဒၤဝံးတသးခုလၢ စီၤစီလူးသံအဃိလဲၣ်.